ಶ್ರೀ ಗಿರಿಜಾವಲ್ಲಭನಖಿಳಾಗಮದುರ್ಲಭನಪಾರಸುಲಭಂ ಕಾರುಣ್ಯಾಗಾರಂ ಭಕ್ತಿಯನೆಮಗೀಗೆ ಸದಾವರದ ಹಂಪೆಯ ವಿರೂಪಾಕ್ಷಂ

ಆಗಳ್ ಕಂಡಗಸುತೆ ಬೆಱಗಾಗುತೆ ಸರಿವರಿಸಿಕೊಳುತೆ ವಲ್ಕಲವಸನಾಭೋಗಮನತಿಲಜ್ಜಿತೆ ತಲೆವಾಗಿದಳನುರಾಗವೇಱಿ ಪುಳಕಿಸುತಿರ್ದಳ್

ಅವಳೋಕನದಿಂ ಸೆಳೆದಳ್ಶಿವನಂ ಮನದಿಂದ ತೆಗೆದಳಪ್ಪಿದಳತ್ಯುತ್ಸವದಿಂ ಚಿತ್ತದೊಳೆಳಸುತೆತವಕಂ ಮಿಗೆ ಚುಂಬಿಸಿದಳಹಂಕಾರದೊಳಂ

ಉಡುಪತಿಬಿಂಬಮಂ ನಗುವ ನಿರ್ಮಳವಕ್ತ್ರಮನಾಸೆ ಮಿಕ್ಕು ಧೀಂಕಿಡುವ ಕಟಾಕ್ಷಮಾಲೆಗಳನುನ್ನತಪೀನಪಯೋಧರಂಗಳಂಮೃಡನೊಸೆದೀಕ್ಷಿಸುತ್ತೆ ನಿಲಲಾಱದಪರ್ಣೆಯ ಪುಣ್ಯಹಸ್ತಮಂಪಿಡಿದನಶೇಷದೇವಕುಲಮೌಳಿವಿರಾಜಿತಪಾದಪಂಕಜಂ

ಗಿರಿಸುತೆಯಳ್ಕಱಿಂ ನಡೆಯ ತಾರಗಿರೀಂದ್ರನಿವಾಸದಲ್ಲಿಗತ್ಯುರುತರಲೀಲೆಯಿಂದಮೆನೆ ದೇವ ಗಿರೀಶ್ವರನಲ್ಲಿಯೆನ್ನನಾದರದೊಳಗೆ ಬೇಡಿಯೂರ್ಜಿತವಿವಾಹಮದಚ್ಚರಿಯಪ್ಪ ಮಾಳ್ಕೆಯಂಕರುಣಿಪುದೆಂದುದಂ ಸಲಿಸವೇಳ್ಪುದು ಬೇಳ್ಪೆನಿದಂ ಸದಾಶಿವಾ

ಎಂದಗಜೆ ನುಡಿಯೆ ಮಹಿಮಾವೃಂದನೊಡಂಬಡುತೆ ಸುಖದೊಳಿರ್ಪವಸರದೊಳ್ಬಂದು ರತಿ ಮುಕುಳಿತಾನನೆನಿಂದುಮ್ಮಳದಿಂದೆ ಮುಂದೆ ಮೆಯ್ಯಿಕ್ಕಿರ್ದಳ್

ರತಿ ಮೆಯ್ಯಿಕ್ಕಿರ್ದೊಡೆ ಪಾರ್ವತಿ ಬಿನ್ನಯ್ಸಿದಳಧೀಶ ಕೇಳೀ ಲಲನಾಪತಿಯಪ್ಪ ಕಾಮನಂ ಪಶುಪತಿ ನಿಮ್ಮಿಂ ಪಡೆದು ಕೊಡುವೆನೆಂದಾಂ ನುಡಿದೆಂ

ಎನೆ ಕೇಳ್ದು ಶಂಕರಂ ಗಿರಿತನಯಾಮಧುರಾಸ್ಯಮಂ ನಿರೀಕ್ಷಿಸಿ ನಗುತುಂನೆನೆದಾಗಳ್ ಕಾಮನನಂಗನಾಗಿ ಕುಡುತಿರ್ಕೆ ರತಿಗೆ ಸುಖಸಂಪದಮಂ

ಗಿರಿಸುತೆ ಜಯೆವಿಜಯೆಗಳೊಡನುರುತರಪುಷ್ಪಕಮನೇಱಿ ಬರುತಿರ್ದಳ್ ಶಂಕರನ ವರಮೂರ್ತಿಯಂತಃಕರಣಪ್ರಭೆಯೊಳಗೆ ತೊಡಗಿ ಬೆಳಗೆ ನಿರಂತಂ

ಪುಳಕಂ ಮುನ್ನೇಳುತ್ತಿರೆಬಳಿಕಂ ತಾನೆಳ್ದು ಸಕಳಪರಿಜನಸಹಿತಂಕಳಗೀತವಾದ್ಯನೃತ್ಯಂಗಳ ಮಂಗಳರವದ ನಡುವೆ ಗಿರಿಪತಿ ಬರುತುಂ

ಫಳತತಿಗಳ್ ತುಱುಗಿದ ಗುಡಿಗಳ ಸೀಗುರಿ ಚಾಮರಂಗಳೊಟ್ಟಜೆಗಳ ಮಂಗಳಕಳಶಂಗಳ ಕನ್ನಡಿಗಳ ಲಲನೆಯರೊಳಗೆ ನಡೆದನಗಕುಲರಾಜಂ

ತರತರದೆ ನಡೆವ ಹಸ್ತ್ಯಶ್ವರಥಪದಾತಿಗಳ ಸಂದಣಿಗಳಂ ನೋಡು!ತ್ತುರುಳುತ್ತುರ್ಬುತೆ ಕೊರ್ಬುತ್ತುರವಣಿಸುತೆ ನಡೆದು ಬಂದನಗಕುಲರಾಜಂ

ಇದಿರ್ಗೊಂಡು ಗಿರಿರಾಜನೂರ್ಜಿತತಪೋವಿಸ್ತಾರೆಯಂ ಧೀರೆಯಂಸದಲಂಕಾರಮನಾಂತ ಪಿಂಗಳಜಟಾಸಂಪನ್ನೆಯಂ ಚೆನ್ನೆಯಂಮುದದಿಂ ವಲ್ಕಲವಸ್ತ್ರವಿಸ್ತರಿತಶೋಭಾಗಾತ್ರೆಯಂ ಸ್ತೋತ್ರೆಯಂಪದೆದಾಹಾ ಗಿರಿಜಾತೆಯಂ ಸಕಳಕಾಂತಿಸ್ತೋಮೆಯಂ ರಾಮೆಯಂ

ಭರದಿಂ ನಡೆತಂದು ರಾಜಗೃಹಮಂ ಸಂತೋಷದಿಂ ಪೊಕ್ಕು ಭಾಸ್ಕರ ಕೋಟಿಪ್ರಭೆಯಂ ಸಭಾಸದನದೊಳ್ ಬೀಱುತ್ತುವಿರ್ಪುದ್ಘವಿಷ್ಟರರಂ ತುಷ್ಟಿಯನೇಱಿ ಶೈಳಪತಿಯುಂ ಶರ್ವಾಣಿಯುಂ ಸ್ನೇಹದಿಂದಿರೆ ಮೇನಾವಧು ಬಂದಳೀಕ್ಷಿಸಿದಳೀಷತ್‌ಗಾತ್ರೆಯಂ ಪುತ್ರಿಯಂ

ತಾಯೆ ತಪೋನಿರೋಧದೊಳೆ ಮೆಯ್ ಬಡವಾದುದು ಲೋಚನತ್ರಯಚ್ಛಾಯೆ ಬಳಲ್ದುದಾನನಸರೋಜಮಣಂ ಕಳೆಗುಂದಿತುಜ್ಜ್ವಳಪ್ರಾಯಕುಚದ್ವಯಂ ಕೊರಗಿದತ್ತು ಕಚಂ ಜಡೆಗಟ್ಟಿತಿಂತಿದನ್ಯಾಯಮಿದೇಕೆ ಪೋದೆ ಸುತೆ ಎಂತಳವಟ್ಟುದರಣ್ಯವಿಭ್ರಮಂ

ಗಿರಿಪತಿಯನುಮತಿಯಿಂ ಸೌಂದರಿಯ‌ರ್ ನಡೆತಂದು ಪಾರ್ವತಿಯ ಜಡೆಗಳನೊಪ್ಪಿರೆ ಬಿಡಿಸಿ ಕಚಭರಮನತಿಭರದಿಂ ತಿರ್ದುತ್ತುಮಿರ್ದರನ್ನಗಮಿತ್ತಲ್

ಶ್ರೀಕೈಲಾಸದೊಳಿರ್ದು ಪಿನಾಕಿ ವಿವಾಹಾರ್ಥದಿಂದೆ ವರಮೂರ್ತಿಗಳಂಲೋಕೋತ್ತಮರಂ ಪುಣ್ಯಶ್ಲೋಕರನಾ ಸಪ್ತಋಷಿಯರಂ ನೆನೆಯಲೊಡಂ

ನೆನೆಯದ ಮುನ್ನಂ ಬಂದರ್ವಿನುತಾಶೇಷರ್ ಜಟಾಧರರ್ ಭಸಿತಾಂಗರ್ಘನಮಹಿಮಾರುಂಧತಿ ಬೆನ್ನನೆ ಬರವರೆ ಸಪ್ತಋಷಿಯರತಿಮುದದಿಂದಂ

ಬಂದಭವಂಗತಿಸುಖಮುಖದಿಂದಂ ಮೆಯ್ಯಿಕ್ಕಿ ಹರ ಬರ್ದುಂಕಿದೆವೆನುತುಂಸಂದಣಿಸಿ ಪುಳಕಮೆಳ್ತರೆನಿಂದಿರ್ದು ಶಶಾಂಕಮೌಳಿ ಬೆಸನೇನೆನುತುಂ

ಇರೆ ಕಂಡು ಕರುಣದಿಂ ಶಂಕರನಾ ಋಷಿಗಳ್ಗೆ ಬೆಸಸಿದಂ ಪೋಪುದು ಭೂಧರನಾಥನಲ್ಲಿಗತ್ಯಾದರಮಂ ಮಾಡುವುದು ಬೇಡುವುದು ಗಿರಿಸುತೆಯಂ

ಎಂದೊಡೆ ಹಸಾದಮೆಂದಾನಂದಂ ಮಿಗೆ ಸಪ್ತಋಷಿಗಳನುನಯದಿಂದೆಯ್ತಂದರ್ ಮಂಡಿತಪುಷ್ಪಕವೃಂದಾರೂಢ‌ರ್ ನಗೇಶಪುರಮಂ ಪೊಕ್ಕರ್

ಮನದೊಳ್ ಪರಮೋತ್ಸಾಹಂಜನಿಯಿಸಿ ಗಿರಿರಾಜನೆಸೆವ ಋಷಿಗಳನಿದಿರ್ಗೊಂಡನುನಯದಿಂ ತಂದುಚ್ಚಾಸನದೊಳ್ ಕುಳ್ಳಿರಿಸಿ ವಿನಯವಿನಮಿತನಾದಂ

ಸುರಲೋಕದಲ್ಲಿ ಸುಖದಿಂದಿರುತುಂ ಬರವಿಂತು ನಿಮಗೆ ದೊರೆಕೊಂಡುದಿದೆಮ್ಮುರುತರಭಾಗ್ಯಮೆನುತ್ತುಂಗಿರಿರಾಜಂ ಸಪ್ತಋಷಿಗಳಂ ಕೇಳಲೊಡಂ

ವರಮುನಿಗಳ್ ಮನದೊಂದಾದರದಿಂ ನುಡಿದರ್ ಶಿವಂ ಶಶಾಂಕಧರಂ ಶಂಕರನಭವಂ ನಿರ್ಮಾಯಂಗಿರಿಜೆಯ ಬೇಡುವೊಡೆ ತಿಳುಪಿ ಕಳುಪಿದನೆಮ್ಮಂ

ಆತಂಗೆ ಚಂದ್ರಮೌಳಿಗಜಾತಂಗೆ ನಿರಾಮಯಂಗೆ ನಿತ್ಯಂಗೆ ನತವ್ರಾತಂಗೆ ಬೇಡೆ ಬಂದೆವುನೂತನಭುವನೈಕ ಭಾಗ್ಯವತಿ ಪಾರ್ವತಿಯಂ

ಚಂದ್ರಧರಂಗೆ ನತೋತ್ಪಲಚಂದ್ರಂಗಂ ಗಣಸಮೂಹನಯನ ಚಕೋರಚಂದ್ರಂಗಂ ಮುದದಿಂದಂಚಂದ್ರಾನನೆ ಶಿವೆಯನೊಲ್ದು ಕೊಡು ಗಿರಿರಾಜಾ

ಗಿರಿಪತಿ ಚಾರರಂ ಕಳುಪಿ ನಿರ್ಜರಲೋಕದ ವಿಶ್ವಕರ್ಮನಂಬರಿಸಿ ನಯೋಕ್ತಿಯಿಂ ನುಡಿದು ಮನ್ನಿಸಿ ಬೇಳ್ಪುದನಿತ್ತು ಚಂದ್ರಶೇಖರನ ಮದೀಯಪುತ್ರಿಯ ವಿವಾಹಶುಭೋಚಿತಮಂಟಪಾದಿ ಭಾಸುರವರಚಿತ್ರಪತ್ರಕುಳಮಂ ನೆಱೆ ನಿರ್ಮಿಪುದಿಂದೆ ಬೇಗದಿಂ

ಎನೆ ನಲಿದು ವಿಶ್ವಕರ್ಮಂನೆನೆಯದ ಮುನ್ನಂ ಸಮುದ್ರಮುದ್ರಿತವಿಶ್ವಾವನಿಪರಿಗತವಿಭವಾಸ್ಪದಘನಮಂಟಪಮೆಸೆದು ಮುಂದೆ ತೋಱಿತ್ತಾಗಳ್

ಒಳಗೆ ಸುವಾಸಿನಿಯರ್ ಗಿರಿಕುಳರಾಜತನೂಜೆಗೊಪ್ಪೆ ಸಿಂಗರಮಂ ಕೆಯ್ಕೊಳಿಸುತ್ತಿರ್ದರ್ ವರಶಶಿಕಳೆಗೆ ಸುಧಾಕಿರಣಜಾಲಮಂ ತುಡಿಸುವವೋಲ್

ಭದ್ರಾನನೆಯರ್ ನವಕುಸುಮದ್ರವಯುತಜಲದೆ ಮಜ್ಜನಕ್ಕೆಱೆಯುತೆ ಕಲ್ಪದ್ರುಮಶಾಖಾನ್ವಿತೆಗೆ ಹರಿದ್ರಾಪರಿಮಳಮನಂಗದೊಳ್ ಸಮನಿಸಿದ‌ರ್

ನವಲತೆಯಂ ಕೌಮುದಿಯಿಂದವೆ ಬಾಸಣಿಪಂತೆ ಕೂಡೆ ಧವಳದ್ಯುತಿಯಂತವೆ ಪಸರಿಪ ದಿವ್ಯದುಕೂಲವನುಡಿಸಿದರಗತನೂಜೆಗಂಗನೆಯರ್ಕಳ್

ಸರಸಿಜದೆಸಳೊಳ್ ತರುಣಿಯತರುಣಾರುಣಕಿರಣವಲಯಮಂ ಕೆಯ್ಕೊಳಿಪಂತಿರೆ ಚಕ್ರವಾಕಕುಚೆಯ‌ರ್ಗಿರಿಜೆಗೆ ನವರತ್ನಪಾದಮುದ್ರಿಕೆಯಿತ್ತ‌ರ್

ವಾರಿರುಹನಾಳಮಂ ಕ್ರೇಂಕಾರರವಂ ಸಹಿತವಂಚೆ ಮುತ್ತಿದುವೆನೆ ಮಂಜೀರವನಳವಡಿಸಿದರಂಭೋರುಹನೇತ್ರೆಗೆ ಭವಾನಿಗಾ ಭಾಮಿನಿಯರ್

ಬಾಹುಲತಾಪಲ್ಲವಸಂದೋಹದೊಳಗೆ ಕುಸುಮಮಂ ತೊಡರ್ಚುವ ತೆಱದಿಂದಾಹಾನಿಜಕರಶಾಖಾವ್ಯೂಹಕ್ಕತಿಭದ್ರಮುದ್ರಿಕೆಗಳಂ ತೊಟ್ಟ‌ರ್

ಪುರಹರನ ರಾಜಕಟಕಂಗಿರಿಜೆಯ ಕೆಯ್ವತ್ತಿತೆಂಬುದಂ ಸೂಚಿಪವೋಲ್ವರಹಸ್ತದಲ್ಲಿ ರತ್ನೋತ್ಕರವಿಳಸಿತಕಟಕಯುಗಳಮಂ ರಂಜಿಸಿದರ್

ಒದವಿದ ನವ್ಯಲತಾಮಧ್ಯದ ಕುಸುಮಾಳಿಯೊಳೆ ಮೊರೆವ ಮರಿದುಂಬಿಗಳಂಮುದದಿಂ ಕೀಲಿಪವೋಲ್ ನೀಲದ ರವೆಯದ ಬಾಹುಪೂರಕಂಗಳನಿತ್ತರ್

ಸುತ್ತದೆ ನೆಲೆಗೊಂಡಂ ಪರಿವೃತ್ತೋನ್ನತಚಂದ್ರನಗಜೆಯಾಸ್ಯದೊಳೆಂದುನ್ಮತ್ತತೆಯೊಳ್ ತಾರಗೆಗಳ್ಸುತ್ತಿದುವೆನೆ ತೋರಹಾರಮಂ ರಂಜಿಸಿದ‌ರ್

ಭಾಳಸ್ಥಳದೊಳ್ ಕಣ್ ಗಡಶೂಳಿಗೆ ಪಾರ್ವತಿಗೆ ಕೊರಲೊಳೆಗೆದುದು ನಯನಂಕೇಳೆಂಬಾಳಾಪಂ ಮಿಗೆಮೇಳೈಸಿದರೈರದಾಳಿಯಂ ಬಾಳಕಿಯರ್

ಜಳಜಾನನೆಯರ್‌ ವಿನಯೋಜ್ವಳಮುಖಿಯರ್ ಸಖಿಯರೊಲ್ದು ಗಿರಿಜಾನನದೊಳ್ನಳಿನಳಿಪಚ್ಚಮುಗುಳ್‌ ನಗೆಮೊಳೆತುದೆನಲ್ ಮೆಱೆವ ಮೂಗುತಿಯನೊಸೆದಿತ್ತರ್

ಮಗಧರಬಿಂಬಂಗಳವೆರಡಗಲದೆ ಕೊಂಡೆಸೆಯುತಿರ್ದಪುವು ಸರಸಿಜದೊಂದಗಣಿತ ಕರ್ಕಶಮನೆನಲ್ನಗಪುತ್ರಿಗೆ ನೀಮುತ್ತಿನೋಲೆಯನಿತ್ತರ್

ಬಿಂಬಾಧರೆಯ‌ರ್ ಬಂದಲರಂಬಂ ಕತ್ತುರಿಯ ಸಾಣೆಯಿಕ್ಕುವ ತೆಱದಿಂದಂಬುಜದಳ ಸದೃಶಾಂಬಕದಂಬಿಕೆಗಂಜನಮನೆಚ್ಚಿದರ್ ಸಂತಸದಿಂ

ಸಸಿಯಂ ತಳೆವೊಡೆ ಮಕುಟದೊಳಸಮಾಕ್ಷಂ ಗಿರಿಜೆ ಪುರುಡಿಸುತ್ತುಂ ತಳೆದಳ್ನೊಸಲೊಳ್ ಸಸಿಯಂ ತಾನೆನೆಭಸಿತದ ತಿಲಕಮನಲಂಕರಿಸಿದ‌ರ್ ಸತಿಯ‌ರ್

ನೀಳಾಭ್ರಮನಂಭಃಕಣಜಾಳದೆ ಬಾಸಣಿಸುವಂತೆ ಶಶಿಮುಖಿಯ‌ರ್ ಸಲ್ಲೀಳೆಯೊಳಚಳತನೂಜೆಗೆಬಾಳೆಗೆ ಸೂಸಕಮನಿಕ್ಕಿದರ್ ಮುದದಿಂದಂ

ಸುರರುಚಿರನೀಲಾಂಬುದದೊಳ್ಸುರಧನುವಂ ನಿರ್ಮಿಪಂದದಿಂ ಪೀನಪಯೋಧರೆಯ‌ರ್ ಶೈಳತನೂಜೆಗೆವರರತ್ನದ ದಂಡೆದೊಂಡಿಲಂ ಸಯ್ತಿಟ್ಟರ್

ಅಂಬಿಕೆಯ ಸುಧಾವಯವ ಕದಂಬದ ಚೆಲ್ವಿಂಗೆ ದೃಷ್ಟಿಯಾಗದ ತೆಱದಿಂಬಿಂಬಾಧರೆಯ‌ರ್ ತೊಡಸಿದರೆಂಬಂತಿರೆ ಮೆಱೆದುವರರೆ ಭೂಷಣತತಿಗಳ್

ಇತ್ತಲ್ ಕೈಲಾಸಾದ್ರಿಯೊಳುತ್ತಮಗಣನಾಥರೊಳಗೆ ಮೆಱೆದಿರ್ದಂ ದೇವೋತ್ತುಂಗಂ ಪುಳಕಿತನಾಗುತ್ತುಂ ಮದುವಣಿಗತನಮನುಱೆ ನಟಿಯಿಸಿತುಂ

ಜಡೆಗಳೊ ಹೊಸಹೊಸಹವಳದಕುಡಿಗಳೊ ನವಕಾಂತಿಜಳದ ಮಡುಗಳೊ ಚೆಲ್ವಿರ್ಪೆಡೆಗಳೊ ಶಿವಶಿವ ಸುಕೃತದಗುಡಿಗಳೊ ಮಹಿಮೆಗಳ ನಟ್ಟನಡುಗಳೊ ಶಿವನಾ

ಭಾಳಂ ಸುರುಚಿರಸುಕೃತವಿಶಾಳಂ ವಿಷಮಾಕ್ಷವಿರಥಕಾಳಂ ವಿಮಳಸ್ಥೂಳಂ ಶೃಂಗಾರರಸೋದ್ವೇಳಂ ಕಂದರ್ಪಕುಸುಮಬಾಣಾಭೀಳಂ

ಪುರ್ಬುಗಳೊ ಗಣನಿಕರದಗುರ್ಬುಗಳೊ ಹರಿ ವಿರಿಂಚಿ ಸುರಪದವಿಗಳೊಂದುರ್ಬುಗಳೋ ಪುಣ್ಯಲತಾಪರ್ಬುಗಳೋ ಮದನವಿಭ್ರಮದ ಕೊರ್ಬುಗಳೋ

ಈ ಕಣ್ಗಾ ಕಣ್ಣಾ ಕಣ್ಗೀ ಕಣ್ಣೆರಡಕ್ಕವೆರಡೆ ಪಡಿ ಮತ್ತಿಲ್ಲೀಲೋಕವ್ಯವಹಾರದ ನುಡಿಯೀ ಕಣ್ಗುಪಮಾನಮಿಲ್ಲಮಿನ್ನುಂ ಮುನ್ನುಂ

ಘ್ರಾಣಂ ಮಂಜುಳಮುಖಕಲ್ಯಾಣಂ ಜಗದೇಕಜೀವನೆನಿಸುವ ಪವನಪ್ರಾಣಂ ಸರ್ವಾವಯವತ್ರಾಣಂ ಪರಿಮಳಪರೀಕ್ಷೆಗಂತದು ತಾಣಂ

ಕರ್ಣಂಗಳ್ ನವಕಿರಣ ವಿಕೀರ್ಣಂಗಳ್ ಶರಣಜನಸುಗೀತಾಮೃತ ಸಂಪೂರ್ಣಂಗಳ್ ಪಂಚಾಕ್ಷರವರ್ಣಂಗಳ್ ಫಣಿವಿತಾನವಿಸ್ತೀರ್ಣಂಗಳ್

ವದನಂ ಕಾರುಣ್ಯಾಮೃತಸದನಂ ಪ್ರಣತಪ್ರತಾನಜನನಾ ವಿದ್ಯಾಕದನಂ ಮಝ ಭಾಪುರೆ ಜಿತಮದನಂ ಧವಳಪ್ರಕಾಶಮಂಡಿತರದನಂ

ಗ್ರೀವಂ ಘನಗರಳೋನ್ನತಭಾವಂ ವಿಮಳಸ್ವಭಾವಮಾನತಜನಸದ್ಭಾವಂ ಮಧುರರವಪ್ರಸ್ತಾವಂ ಶಿವಶಿವ ಸಮಸ್ತಜನತಾಜೀವಂ

ತೋಳ್ಗಳ್ ನೆನೆವರ ಚಿತ್ತದಬಾಳ್ಗಳ್ ವರವೀಯಲೆಂದು ಮಿಗೆ ಮತ್ಸರಿಪಾಸೂಳ್ಗಳ್ ರುದ್ರನ ನೆಚ್ಚಿನಬಾಳ್ಗಳ್ ಗಿರಿರಾಜಪುತ್ರಿಯಪ್ಪಿಂಗಾಳ್ಗಳ್

ಪ್ರಾಣಿಗಳತ್ಯಧಿಕ ವರಶ್ರೇಣಿಗಳುಚಿತಕ್ರಿಯಾವಚೋಗುಣವಿಳಸದ್ವಾಣಿಗಳಖಿಳಾಧಾರಕ್ಷೋಣೀಗಳಾಹಾ ಸುಪಾಣಿಗಳ್ ಶಂಕರನಾ

ಉರವದು ಗಿರಿಜಾಕಾಂತೆಯತೆಱವದು ತತ್ಕುಚಯುಗಂಗಳಿರವದು ಪುಣ್ಯೋತ್ಕರವದು ವರವದು ಸುಖಸಾಗರವದು ಭುವನೈಕಚಾರುತರವದು ಹರನಾ

ಮಧ್ಯಂ ಗಿರಿಜಾಲೋಕನಸಾಧ್ಯಂ ನಂಬಿರ್ದ ಸಕಳಗಣಸಂಕುಳಸಂಚೋದ್ಯಂ ಪೊರ್ದಿದಜಾಂಡಾಬಾಧ್ಯಂ ಹರಹರ ಸಮಸ್ತಭುವನಾರಾಧ್ಯಂ

ತೊಡೆಗಳೊ ಹೈಮವತಿಯ ಕೌಳುಡೆಗಳೊ ನವಕಾಂತಿಲಕ್ಷ್ಮಿ ಸಂತಸದಿಂದಿರ್ಪೆಡೆಗಳೊ ರಂಭಾವಿಭವದತಡೆಗಳೊ ಸಿಂಗರದ ಕಡೆಗಳೋ ಶಶಿಧರನಾ

ಮೇಲ್ಗಳೊ ನವಸೌಂದರ್ಯದಸಾಲ್ಗಳೊ ಪಾರ್ವತಿಯ ಚಿತ್ತಮಂ ಸೋಲಿಸುವಾಕೀಲ್ಗಳೊ ಸಲ್ಲೀಲೆಯ ಪೊಂಗೋಲ್ಗಳೊ ಕಣಕಾಲ್ಗಳೋ ಲಲಾಟೇಕ್ಷಣನಾ

ಚರಣಂ ಭಕ್ತಜನಾಂತಃಕರಣಂ ನಂಬಿದರ ಹರಣವಿನಕುಲತೇಜಃಕಿರಣಂ ತ್ರಿಲೋಕಶರಣಂಶರಣಾಭರಣಂ ಸಮಸ್ತಮುಕ್ತಾಭರಣಂ

ಮಿಗಿಲೆತ್ತಂ ಜ್ಯೋತಿಗಂ ಪಾವಕರುಚಿ ಎಸೆವಾ ಜ್ಯೋತಿಗಂ ಪಾವಕಂಗಂಮೃಗಲಕ್ಷ್ಮಜ್ಯೋತ್ಸ್ನೆಯೆಂತುಂ ಕರಮಸದಳಮಾ ಜ್ಯೋತಿಗಂ ಪಾವಕಂಗಂಮೃಗಲಕ್ಷ್ಮಜ್ಯೋತ್ಸ್ನೆಗಂ ಭಾಸ್ಕರರುಚಿ ಪಿರಿದಾ ಜ್ಯೋತಿಗಂ ಪಾವಕಂಗಂಮೃಗಲಕ್ಷ್ಮಜ್ಯೋತ್ಸ್ನೆಗಂ ಭಾಸ್ಕರರುಚಿಗಮತರ್ಕ್ಯಂ ವಿರೂಪಾಕ್ಷತೇಜಂ

ಸುರಪತಿಯಾನೆಯಂ ಹುತವಹಂ ತಗರಂ ಸಮವರ್ತಿ ಕೋಣನಂನಿರೃತಿ ಮನುಷ್ಯನಂ ಜಳಧಿಪಂ ನೆಗಳಂ ಪವಮಾನನೇಣನಂಹರಸಖನಶ್ವಮಂ ಶಶಿಧರಂ ವೃಷನ ನಲಿದೇಱಿ ಬಂದರತ್ಯುರುತರ ನಂದಿವಾಹನವಿವಾಹಮಹೋತ್ಸವದೇಳ್ಗೆಗಳ್ಕಱಿಂ

ಲೋಕೈಕಬಂಧುವೆನಿಪ ಪಿನಾಕಿಯ ಪರಿಣಯನದುತ್ಸವಕ್ಕತಿಮುದಮಂಕೈಕೊಂಡು ಕೊಂಡು ಕೊನೆಯುತ್ತೇಕಾದಶರುದ್ರರಳ್ತಿಯಿಂ ನಡೆತಂದ‌ರ್

ಮೇದಿನಿಯುಮನಂಬರಮುಮನಾ ದಿಕ್ಚಕ್ರಮುಮನಂಶುಕುಳದಿಂ ಬೆಳಗುತ್ತಾದಂ ಸಂತಸದಿಂದಂದ್ವಾದಶರವಿಗಳ್‌ ಮಹೋಜ್ಜ್ವಳ‌ರ್ ನಡೆತಂದ‌ರ್

ದೇವರ ದೇವನ ಗರಳಗ್ರೀವನ ಭಕ್ತೈಕಬಾಂಧವನ ಸಕಳಜಗಜ್ಜೀವನ ಮದುವೆಗೆ ನೆರೆದಷ್ಟಾವಸುಗಳ್ ನಡೆದು ಬಂದರತ್ಯುನ್ನತಿಯಿಂ

ವರತೇಜದಿಂ ಪವಿತ್ರಾಚರಣೆಯಿನತಿಕಮನ‌ ವಿಮಳಸಾಮರ್ಥ್ಯತೆಯಿಂಕರಮೆಸೆದನುನಯದಿಂ ರಾಜಋಷಿ ಬ್ರಹ್ಮಋಷಿ ದೇವಋಷಿಗಳ್ ಬಂದ‌ರ್

ವರದೂರ್ವಾಸನಗಸ್ತ್ಯ ಜಹ್ನು ಕಪಿಲಂ ಕೌಂಡಿನ್ಯ ಮಾಂಡವ್ಯ ಭಾಸುರ ಶಾತಾತಪ ವಾಮದೇವ ಮುನಿವಿಶ್ವಾಮಿತ್ರ ಮೈತ್ರೇಯ ಬಂಧುರ ಮಾರ್ಕಂಡೇಯ ದೇವಲಾಖ್ಯನನಿಳಾದಂ ಸೂತನಾ ವ್ಯಾಸನಾತ್ವರಿತಂ ಚಿತ್ರಶಿಖಂಡಿ ಗಾಲವವೃಷಂ ಜಾಬಾಲಿ ವಾಲ್ಮೀಕಿಗಳ್

ಪರಮ ದಧೀಚಿ ರೋಮಜ ಪುಲಸ್ತ್ಯ ಪರಾಶರ ಯಾಜ್ಞವಲ್ಕ್ಯಯಂಗಿರ ಭೃಗು ಪುಂಡರೀಕ ಋಶಿಕಶ್ಯಪ ಕೌಶಿಕ ಗಾರ್ಗ್ಯ ಗೌತಮಂವರಸನಕಂ ಸನಂದನ ಸನತ್ಸು ಭಗೀರಥ ಕುತ್ಸವತ್ಸ ಭಾಸುರ ಜಮದಗ್ನಿ ಜೈಮಿನಿ ವಶಿಷ್ಠ ಮತಂಗ ಮರೀಚಿಯತ್ರಿಗಳ್

ಸಂಗಡಿಸಿದ ಶಂಖಂ ಚಕ್ರಂ ಗದೆ ಶಾರ್ಙ್ಗಂಗಳೆಸೆಯೆ ಗರುಡಾಸನದೊಳ್ಪಿಂಗದೆ ಬಂದಂ ಯುತಚತುರಂಗಂ ಮಾಧವನುಮಾಧವಂ ಮಚ್ಚುವಿನಂ

ಭರದಿಂದಂ ತನ್ನ ಬಲಂಬೆರಸೊಲನಿಂ ಹಂಸೆಯೇಱಿ ತೊಳತೊಳಗುತ್ತುಂಸರಭಸದಿಂ ನಡೆತಂದಂಸರಸಿಜಭವನಭವನಭಯಮೀಯೆ ಸರಾಗಂ

ಸುರರ ಬಲಂ ಹರಹರ ಖೇಚರರ ಬಲಂ ಭಾಪು ಕಿನ್ನರರ ಬಲವಾಹಾಗರುಡರ ಬಲವರರೇ ಸಿದ್ಧರ ಬಲವಮ್ಮಮ್ಮ ಭಲರೆ ಗಂಧರ್ವಬಲಂ

ತಮತಮಗುಗ್ರರುದಗ್ರ‌ರ್ತಮತಮಗೆ ವಿಚಾರಸಾರರಭವ‌ರ್ ವಿಭವರ್ತಮತಮಗಾಪ್ತರ್ ಗುಪ್ತ‌ರ್ತಮತಮಗೆ ಸಮಸ್ತಲೋಕವಂದ್ಯರನಿಂದ್ಯರ್

ಸಿಡಿಲಂ ನುರ್ಗುವ ಶೇಷನಂ ಪೊಸೆವ ದಿಙ್ನಾಗಂಗಳಂ ಪೊಯ್ದು ಘೀಳಿಡಿಪೇಳುಂ ಕಡಲಂ ತುಳುಂಕುವ ಕುಲಾದ್ರಿ ಸ್ತೋಮಮಂ ಕಿಳ್ತಣಂಪೊಡೆಸೆಂಡಾಡುವ ಭೂಮಿಯಂ ಹಿಳಿವ ಚಂದ್ರಾದಿತ್ಯರಂ ಮೀಂಟುತಿರ್ಪುಡುಸಂತಾನಮನಾರ್ದುದಿರ್ಚುವ ಗಣಗಳ್ ಬಂದರಾನಂದದಿಂ

ನಂದೀಶಂ ವೀರಭದ್ರಂ ಘನರವನಚಲಂ ಪುಷ್ಪದಂತಂ ಶುಭಂ ಸಾನಂದಂ ಭೃಂಗೀಶನುಗ್ರಂ ಪಿಕ ಮುಖನಶಿತಗ್ರೀವಗ್ರೀಸುವನತ್ಯಾನಂದಂ ದಿವ್ಯಾಂಗನಂಧಾಸುರಮಥನನನೇಕಾಸ್ಯನೋಂಕಾರಿ ಶರ್ವಾಂಗಂ ದಕ್ಷಧ್ವಂಸಿ ಲಂಬೋದರನತುಳಬಳಂ ಹಸ್ತಿಕರ್ಣಂ ವಿಕರ್ಣಂ

ಗರಳಂ ಭದ್ರಮುಖಂ ಶುಭೋದಯನಭಂಗಂ ಶಂಕುಕರ್ಣಂ ಷಡಕ್ಷರನುತ್ತುಂಗತಿರಂ ವೃಕೋದರನಟವ್ಯಂ ದಾರುಕಂ ಸಿಂಹಕೇಸರಿ ಸಿದ್ಧಾಂತಿಯುದಾರನೇಕಜಟ ವಿದ್ಯುನ್ಮಾಲಿ ತಾರಾಕ್ಷನಂಬರಕಾಯಂ ಘನಕಾಯನಪ್ರತಿಷಕಾಯಂ ವಿಸ್ತರಂ ಕುಂಭಜಂ

ಹಳನುತ್ತುಂಗಂ ವಿಚಿತ್ರಂ ತ್ರಿಶಿರನಸುರಕೋಳಾಹಳಂ ಯಜ್ಞಕೋಳಾಹಳನುದ್ಯತ್ ಕಾಳಕೋಳಾಹಳನತನುಹರಂ ಮಂಗಳಂ ಮೃತ್ಯುಕೋಳಾಹಳನೀಶಾನಂ ಪ್ರಘೋಷಂ ವಿಜಯನನಲಕಾಯಂ ಗಂಭೀರಸುಗಂಡಸ್ಥಳನೂರ್ಧ್ವಾಂಗಂ ಪ್ರಜಿಹ್ವಂ ವಿಷಸರಣಿ ಪುರಧ್ವಂಸಿ ಸರ್ವಾಂಗಜಿಹ್ವಂ

ನಯದಿಂದೆಳ್ದು ನತಾಸ್ಯನಾಗಿ ವಿಪುಳಶ್ವಾಸಂಗಳೊಳ್ ದೇವಕೋಟಿಯನಾಂದೋಳಮನಾಡಿಸುತ್ತೆ ನಡೆತಂದುಚ್ಚಪ್ರಭಂ ಧರ್ಮಸಂಚಯನಾನಂದಮಯಂ ಮಹೇಶನ ಸುಖಾವಾಸಾನ್ವಿತಂ ದಿಟ್ಟಿವಾರಿಯ ಧೀರಂ ವೃಷಭೇಂದ್ರನಪ್ರತಿಮಕಾಯಂ ಮುಂದೆ ನಿಂದಿರ್ಪುದುಂ

ಹರಿ ಜಯಜೀಯ ಜೀಯೆನೆಯಜಂ ಮಝ ಭಾಪೆನೆ ದೇವವೀಧಿ ದೇವುರೆ ಸುರರಾಜರಾಜಧಿರುರೇ ಎನೆ ಸನ್ಮುನಿಗಳ್ ಸರಾಗದಿಂಹರಿಹರ ರುದ್ರ ಭದ್ರಯೆನೆ ನಿಂದ ಗಣಾವಳಿಯಳ್ಕಱಿಂ ಮದೀಶ್ವರ ಭಲರೇ ಕಪರ್ದಿಯೆನೆ ನಂದಿಯನೇಱಿದನೆಮ್ಮ ಶಂಕರಂ

ಇರೆ ಹರಿಯಜರನುಮಿಸುತುಂಪರಮಶುಭಾಕರ ಮುಹೂರ್ತಮೆಲೆಲೆ ಸಮೀಪಂಕರುಣಿಪುದೆನೆ ಮಂಗಳವಾಗ್ವಿರಚನೆಯಂ ಕೇಳ್ದು ಭೋಂಕನೆಳ್ದಂ ರುದ್ರಂ

ಅಮಮ ವರಮೂರ್ತಿ ನವವಿಭ್ರಮ ವಿಸ್ತರನಮೃತಶೀಲನಾನಂದಮಯಂಮಮಕರ್ತಂ ಮಮಭರ್ತಂಸುಮುಹೂರ್ತಂ ಪತ್ತೆಸಾರ್ವವೋಲ್ ನಡೆತಂದಂ

ಮುತ್ತೈದೆಯರೊತ್ತೊತ್ತೆಯನೊತ್ತರಿಸುತೆ ಬೆಳಗಿನೊಳಗೆ ಹೊಸಬೆಳಗಂ ಸೂಸುತ್ತುಂ ಸವಿನೋಟಮಂ ನೀಯುತ್ತುಂ ಜವನಿಕೆಯ ನೆಲೆಗೆ ಶಿವನೈತಂದಂ

ನಲ್ಲರ ನಡುವುಪಚಾರಂಸಲ್ಲಲಿತೇಕ್ಷಣದ ನಡುವೆ ಪಕ್ಷ್ಮಪುಟಂ ಸಂಪುಲ್ಲರದಮಧ್ಯದೊಳ್ ಮಿಗೆಸೊಲ್ಲಿರ್ಪಂತಿರ್ದುದಲ್ಲಿ ತೆಱೆ ಹರನಿದಿರೊಳ್

ಅವಿಭೇದಪ್ರಕೃತಿಗಳೆನಿಪವಯವದಿಂದೊಪ್ಪುವರ್ಧನಾರೀಶ್ವರರೊಳ್ಜವನಿಕೆ ನಡುವೊಡ್ಡಿತು ಕಾಲವಶದಿನಾವಂಗಮಾವುದಾಗದು ಧರೆಯೊಳ್

ಬೆಳಗಿನ ಬೀಜಾವಳಿಯೊರ್ಬುಳಿಯೋ ನಕ್ಷತ್ರರಾಶಿಯೋ ನವಪುಣ್ಯಂಗಳ ಪುದುವೋ ಚಂದ್ರಿಕಾತಂಡುಳವೋ ಎನೆ ತೊಳಗಿ ತೋರ್ಪ ಮೆಟ್ಟಕ್ಕಿಗಳಂ

ಕಾಂತಿಮಯಂ ಶಶಿಚೂಡಂಶಾಂತಂ ನವಭೋಗಿಯೆನಿಪ ಲೀಲಾವಾಸಂಸಂತಂ ಸುರುಚಿರಹರ್ಷಮಯಂ ತಡೆಯದೆ ಮೆಟ್ಟಿ ನಿಂದ ಸಮನಂತರದೊಳ್

ಹರಿಯುಂ ಸರಸಿಜಭವನುಂಪುರುಹೂತನುಮೆಸೆವ ಋಷಿಗಳುಂ ಗಣಕುಲಮುಂಗಿರಿಜೇಶನ ಗಿರಿಜೆಯ ಭಾಸುರಪರಿಧಾನದ ಸಮೀಪದೊಳ್ ನಿಂದಾಗಳ್

ಕಳಕಳಮಂ ನಿವಾರಿಸುತುಮಾಯತಮೇ ಎನಲಾಯತಂ ಲಸದ್ಗಳಬಳಮಂ ವಿವರ್ಜಿಸುತುಮಾಯತಮೇ ಎನಲಾಯತಂ ನಿರಾಕುಳಿತಮನಂ ಬೃಹಸ್ಪತಿ ಸಮಾಯತಮೇ ಎನಲಾಯತಂ ಮನಂಗೊಳಿಪ ಮಹಾಮುಹೂರ್ತದೊಳಗಾಯತಮೇ ಎನೆ ತಪ್ಪದಾಯತಂ

ಅಮರಗುರು ಸಕಳವೇದಾಗಮಕೋವಿದನೊಲ್ದು ಭಕ್ತಿಯಿಂದಂ ಪುಣ್ಯಾಹಮೆನುತ್ತುಮಿತ್ತ ರಾಜತ್ಸುಮುಹೂರ್ತಂ ಬಂದು ತೆಱೆಯನೋಸರಿಸಲೊಡಂ

ಕರಡೆಗಳ ರವಂ ನಿಸ್ಸಾಳರವಂ ಭೇರೀರವಂ ಮೃದಂಗರವಂ ದೇವರ ಹೂಮಳೆಗಳ ಭೋರೆಂಬ ರವಂ ಮಂಗಳರವಂಗಳುಣ್ಮಿದುವಾಗಳ್

ಆನಿರೆ ಮತೋರ್ವಳ್ ಗಡತಾನಿರ್ಪಳ್ ಜಡೆಯೊಳೆನುತೆ ಮುಳಿದಿಡುವಂತಾಮಾನಿನಿ ಜೀರಿಗೆ ಬೆಲ್ಲದೊಳಾನುತೆ ಶಿವನುತ್ತಮಾಂಗಮಂ ಪದೆದಿಟ್ಟಳ್

ಮೃಡನಾಗಳ್ ಗಿರಿಜೆಯ ಚೆಲ್ವಿಡಿದ ಮೊಗಂಗಂಡು ಸಾತ್ತ್ವಿಕಂ ಕೆಯ್ಕೊಂಡೊಲ್ದಿಡುವಾ ಜೀರಿಗೆ ಬೆಲ್ಲಂಸಡಿಲ್ದು ಕಂಪನದೆ ಬಿಳ್ದುವಗಜೆಯ ಪದದೊಳ್

ಅಱಸುತ್ತಿರೆ ಪಲಕಾಲದೊಳುಱೆ ನಿನ್ನನೆನುತ್ತೆ ಶಿವನ ಮಕುಟೇಂದುಗೆ ತಾಂತುಱುಗಿದ ತಾರಗೆಯೆಂಬಾತೆಱದಿಂ ತಂಡುಲವನಗಜೆ ಸುರಿದಳ್ ಶಿರದೊಳ್

ಪರಮತಪೋನಿಧಿಯೆನಿಸಿದಗಿರಿಜೆಗೆ ಪುಣ್ಯಾಂಬುವಿಂದಲಭಿಷೇಕಮನೊಪ್ಪಿರೆ ಮಾಡುವ ತೆಱದಿಂದಂಗಿರಿಶಂ ನವತಂಡುಲಂಗಳಂ ತವೆ ಸುರಿದಂ

ನಲಿನಲಿದು ಬಂದು ಗಿರಿಪತಿಯೊಲವಿಂದಂ ಗಿರಿಜೆಸಹಿತವುಂ ನಾವೆಲ್ಲವುಂನೆಲೆದೊಳ್ತಿರ್ ಬಳಿದೊಳ್ತಿರ್ಸಲೆದೊಳ್ತಿರ್ ನಿಮಗೆನುತ್ತೆ ಧಾರೆಯನೆರೆದಂ

ಗಿರಿಜಾತೆಯ ಸಕಲಗುಣಂಹರ ನಿಮ್ಮಂ ಸುತ್ತುಗೀ ತೆಱದೊಳೆಂಬಂತೊಪ್ಪಿರೆ ಸುತ್ತಿದರತಿಮೃದುತರಸುರುಚಿರ ನವಕಾಂತಿಯೆಸೆವ ಗುಣಮಂ ಗುಣಮಂ

ಅಯ್ದುಂ ವದನನ ಕಾಂತೆಯನೆಯ್ದಿ ಪತಿವ್ರತೆಯರಧಿಕತರಮುದದಿಂ ಮುತ್ತಯ್ದೆಯೆ ನಿಟ್ಟಯ್ದೆಯೆ ನೆಱೆಯಯ್ದೆಯೆ ಸಲೆಯಯ್ದೆಯೆಂದು ಪರಸುತ್ತಿರ್ದರ್

ಭಾವಿಸಿ ಮಂತ್ರಾವಳಿಯಿಂದೋವುತೆ ಹುತವಹನೊಳೆಸೆವ ಲಾಜಾಹುತಿಯಂತೀವಿದನಂತರಮಗಸುತೆದೇವನ ಬಲದಿಂದೆಡಕ್ಕೆ ಬಂದಳನೂನಂ

ಬಳುವಳಿಯಾನೆಯಂ ಬಳಿಯ ರತ್ನಮುಮಂ ಬಳಿಯಶ್ವವೀಧಿಯಂಬಳುವಳಿಯರ್ಥಮಂ ಬಳಿಯ ನಾಣೆಯಮಂ ಬಳಿಯಾಪ್ತವರ್ಗಮಂಬಳುವಳಿಯಂಗನಾನಿಕರಮಂ ಪದಪಿಂದವಳೋಕಿಸುತ್ತೆ ಕೋಮಳಪುಳಕಂಗಳೇಳ್ಗೆಯನೊಡಂಬಡುತುಂ ನಡೆತಂದನೀಶ್ವರಂ

ಹರನೀ ಬಂದನೆ ಗಿರಿಜಾವರನೀ ಬಂದನೆ ಮಹೇಶನೀ ಬಂದನೆ ಶಂಕರನೀ ಬಂದನೆನುತ್ತುಂಪರೆದುವು ದೆಸೆದೆಸೆಗೆ ಬಹಳಕಹಳಾನಾದಂ

ಕಟ್ಟಿದ ಗುಡಿಗಳ ಮುಗಿಲಂಮುಟ್ಟಿದ ತೋರಣದ ನೆರೆದು ನೋಳ್ಪಬಲೆಯರೊಂದೊಟ್ಟಜೆಗಳ ಲಾವಣ್ಯಮದಿಟ್ಟಣಮೆನಿಸಿತ್ತು ಶಿವನ ಕಣ್ಗಂ ಮನಕಂ

ತರದಿಂ ವೇದಿಕೆಯೇಱಿ ಭದ್ರಚಯಮಂ ಬಂದೇಱಿಯುತ್ಸಾಹದಿಂಕರುವಾಡಂಗಳನೇಱಿ ವೃಕ್ಷಕುಲಮಂ ಸಾರ್ದೇಱಿಯೊಪ್ಪಿರ್ಪ ಗೋಪುರವೃಂದಗಳನೇಱಿ ಶೀತಕರಬಿಂಬವ್ರಾತವೇಳ್ತಂದವೋಲರವಿಂದಾಕರವೇಳ್ದವೋಲ್ ತುಱುಗಿ ನೋಡಿತ್ತಲ್ಲಿ ಕಾಂತಾಜನಂ

ನಡುವೆ ವಿಳಾಸದಿಂ ವೃಷಭರಾಜನನೇಱಿದವಂ ಶಿವಂ ಸಮಂತೊಡನೆ ಮಹೇಶನಂ ಪ್ರಿಯದೊಳಪ್ಪಿದಳ್ ಗಿರಿಜಾತೆಯಾಹ ಚೆಲ್ವೊಡರಿಸಿತಾಹ ದಂಪತಿಗಳಾಹ ಜಗತ್ಪ್ರಭುಗಳ್ ಸುಭಾಗ್ಯರೆನ್ನೊಡೆಯರೆನುತ್ತೆ ಕೆಯ್ಮುಗಿದು ಬಣ್ಣಿಸುತಿರ್ದಳತಿಪ್ರಮೋದದಿಂ

ಸ್ಥಿರದಂಪತಿಗಳ್ ಮಂಗಳಕರದಂಪತಿಗಳ್ ವಿಶೇಷದಂಪತಿಗಳ್ ಭಾಸುರದಂಪತಿಗಳ್ ವಸುಧಾವರದಂಪತಿಗಳ್ ಮನೋಜಹರದಂಪತಿಗಳ್

ಇಂತಿಂತೊಪ್ಪುವ ಸಂಭ್ರಮಮಂ ತವೆ ನೋಡುತ್ತೆ ಪಡೆದು ಕೊಂಡಾಡುತ್ತುಂಕಂತುಹರಂ ಸಂತಸದಿಂಮುಂತಣ ಕೈಲಾಸದರಮನೆಗೆ ನಡೆತಂದಂ

ಆರತಿಯೆತ್ತೆ ರುದ್ರಗಣಿಕಾನಿಕರಂ ಸರಸೀಜನಾಭನುಂನೀರಜಪುತ್ರನುಂ ಹೊಗಳೆ ದೇವಗಣಾಳಿಯಳ್ಕಱಿಂದೆ ಕೆಯ್ವಾರಿಸೆ ನಂದಿಯಿಂದಮಿಳಿದುನ್ನತಸನ್ನುತಸಿಂಹಪೀಠಮಂತಾರಗಿರೀಂದ್ರನಾಥನೊಸೆದೇಱಿದನದ್ರಿಸುತಾಸಮನ್ವಿತಂ

ಗಿರಿಪತಿಯಂ ಮೇನೆಯನಾದರದಿಂ ಬೀಳ್ಕೊಟ್ಟು ಮಕುಟರತ್ನಪ್ರಕರಸ್ಫುರಿತಪ್ರದ್ಯೋತ ಪ್ರೋತ್ಕರವಿಳಸಿತವಳಯದೊಳಗೆ ಶಿವನೆಸೆದಿರ್ದಂ

ಮಾತೆ ಶಿವಂ ಪಿತಂ ಶಿವನನಂತಬಲಂ ಶಿವನೂರ್ಜಿತಂ ಶಿವಂನೀತಿ ಶಿವಂ ಸ್ಥಿರಾಯು ಶಿವನೊಳ್ಪು ಶಿವಂ ಸುಕೃತಂ ಶಿವಂ ಘನಖ್ಯಾತಿ ಶಿವಂ ಧನಂ ಶಿವನಪಾರಸುಖಂ ಶಿವನದ್ರಿಜಾತೆ ಸಂಪ್ರೀತಿ ಶಿವಂ ಶಿವಂ ನಿನಗೆ ಚಿಂತಿಸದಿರ್ ಮಱೆದೆಮ್ಮನೊರ್ಮೆಯುಂ

ಅತುಳಕಪಾಲಿ ಪಾಲಿಪುದುಮಾಪತಿ ಮಾಪತಿರಾಜ ರಾಜ ಭೂಷಿತ ಸಿತಭಸ್ಮಭಸ್ಮಮಯಮನ್ಮಥ ವಿಗ್ರಹವಿಗ್ರಹ ವ್ರಜಾನತ ನತಸಿದ್ಧ ಸಿದ್ಧ ಸಕಳಾತ್ಮ ಕಳಾತ್ಮ ವಿಶೇಷಶೇಷಪೂಜಿತ ಜಿತಕಾಲ ಕಾಲವಿಲಸದ್ಗಳ ಸದ್ಗಳ ಹಂಪೆಯಾಳ್ದನೇ

ಕರುಣಿಸು ನಾಥ ನಾಥಕುಲಸೇವಿತ ಸೇವಿತ ಕಾಲ ಕಾಲ ಸಂಹರಣ ರಣಾಗ್ರರಂಜಿತಜಿತಾಮರತಾಮರಸಾಕ್ಷ ಸಾಕ್ಷಸಂಸ್ಮರ ನಿಜದರ್ಪದರ್ಪಕವಿನಾಶ ವಿನಾಶನಿಕಾಯಕಾಯವಿಸ್ತರಿತಭುಜಂಗ ಜಂಗಮಕೃಪಾವನ ಪಾವನ ಹಂಪೆಯಾಳ್ದನೇ

ಹರನುದ್ಯದ್‌ಗಿರಿಜಾಮನೋಹರಸುಖಾಂಭೋರಾಶಿಚಂಚತ್‌ ಸುಧಾಕಿರಣಂ ತತ್ಸುಖದಿಂದಮಿರ್ದುದಯಿಸಿರ್ದಾ ಸ್ಕಂದನಿಂ ತಾರಕಾಸುರನಂ ತೀರ್ಚಿ ಸಮಸ್ತಲೋಕಜನತಾಸಂತುಷ್ಟಿಯಂ ಮಾಡಿ ಶಂಕರನೊಪ್ಪಿರ್ದನುದಾರಿ ಹಂಪೆಯ ವಿರೂಪಾಕ್ಷಂ ಲಲಾಟೇಕ್ಷಣಂ

ಹರಿಸಂ ಮಿಗೆ ಕೈಲಾಸದಪುರದೊಳಗೊಪ್ಪಿರ್ದನಭವನದ್ವಯರೂಪಂವರಶರಣಾಳಿಗೆ ಬೇಡಿದವರಮಂ ಕರುಣಿಸುತೆ ಹಂಪೆಯ ವಿರೂಪಾಕ್ಷಂ

ಎಂದಿಂತೊಪ್ಪಿರೆ ಮಚ್ಚಿ ಮಚ್ಚಿ ಹರಿದೇವಂ ಪೇಳ್ದ ಸತ್ಕಾವ್ಯಮಂಚೆಂದಂಬೆತ್ತಿರಲೋದುವಾರ್ತಸುಖದಿಂ ಕೇಳ್ದಾದರಿಪ್ಪರ್ಗೆ ಸಾನಂದಂ ಮಾಡುಗೆ ಪುಣ್ಯಭೋಗಜಯಮಂ ನಿತ್ಯಾಯುಮಂ ಶ್ರೀಯುಮಂನಂದೀಶಾದಿ ಗಣಪ್ರತಾನದೊಡೆಯಂ ಪಂಪಾಪುರಾಧೀಶ್ವರಂ

ತರದಿಂದಂ ಶಬ್ದಮರ್ಥಂ ರಸವಿಸರಮಲಂಕಾರಾದಿಂ ತೀವುತೊಳ್ಪಿಂಧರೆಯೊಳ್ ಕೆಯ್ಕೊಂಡು ಪಂಪಾಪುರದರಸ ವಿರೂಪಾಕ್ಷನಿತ್ತಾಜ್ಞೆಯಿಂದಂಹರಿದೇವಂ ಭಕ್ತಿಯಿಂದಂ ಗುರುಕರುಣದಿನುತ್ಸಾಹದಿಂ ಮಚ್ಚಿ ಪೇಳ್ದಾಗಿರಿಜಾಕಲ್ಯಾಣಮಿಂತೀ ಶಶಿರವಿಧರೆಗಳ್ ನಿಲ್ವಿನಂ ನಿಲ್ಕೆ ಸಂತಂ

ಇಳೆಯೊಳ್ ಪೆರ್ಮಳೆಯುಂ ಸಮಸ್ತಫಲಮುಂ ಸಂತೋಷಮುಂ ಧರ್ಮಸಂಕುಳಮುಂ ಸತ್ಯಮುಮೀಶ್ವರಾರ್ಚನೆಯ ಸೊಂಪುಂ ಶ್ರೀಯುಮಾಮುಂ ನಿರಾಕುಳಮೆಂದುಂ ನೆಲಸಿರ್ಪುದೊಂದು ತೆಱನಂ ತಾಂ ಮಾಳ್ಕೆ ಸರ್ವೇಶ್ವರೀವಿಳಸತ್‌ಸಂಗಸುಖಾಬ್ಧಿಶೀತಕಿರಣಂ ಪಂಪಾಪುರಾಧೀಶ್ವರಂ

ಪರಮಸ್ವಾಮಿ ಜಟಾಧರಂ ಶಶಿಧರಂ ಗಂಗಾಧರಂ ಕಾಲಸಂಹರನಜ್ಞಾನಹರಂ ಪುರತ್ರಯಹರಂ ಸೌಖ್ಯಾಕರಂ ಶಂಭು ಶಂಕರನಾನಂದಕರಂ ಸಮಂತೆನಗೆ ಭಕ್ತಿಜ್ಞಾನವೈರಾಗ್ಯಮಂಕರುಣಂಗೆಯ್ಗೊಲವಿಂದೆ ಹಂಪೆಯ ವಿರೂಪಾಕ್ಷಂ ಶಿವಾವಲ್ಲಭಂ