ಶ್ರೀ ಗಂಗಾಧರನಭವಂಶ್ರೀ ಗೌರೀವರನುದಾರ ಪಾರಾವಾರಂಶ್ರೀ ಗುರು ಹಂಪೆಯ ಶಂಕರನೀಗೆಮಗೆ ಮನೋರಥಂಗಳಂ ಕೃಪೆಯಿಂದಂ

ಸರಸೀಸಂಜಾತಜಾತೋತನ್ನಿಶಿತ ನಿಶಿತ ಸೌರಂಭ ಸಂಪಾದನಾದಂಧರಣೀ ದಿಗ್‌ವ್ಯೋಮಭಾಗಾವೃತಭರಿತ ಘನಧ್ವಾನಸಂಭೇದನಾದಂಸುರತಾಸಕ್ತವ್ರಜಾಲಿಂಗನ ಚಲನಕರ ಪ್ರೌಢಿತಾನಾದನಾದಂಪರೆದತ್ತಾದಂ ಪ್ರಮೋದಂ ಶಿವನಿಳಯಕುಳೋತ್ಪಾದಮಾ ಶಂಖನಾದಂ

ಮುಗಿಯಲೊಡರ್ಚಿ ನಿಂದ ಕುಮುದಾವಳಿಯಂ ಸರಸೀರುಹಂ ಮುಗಳ್ನಗೆ ನಗುವಂತಿರಿರ್ದುವು ಚಕೋರಿಗಳಸ್ತಗಿರೀಂದ್ರದತ್ತಲುಬ್ಬೆಗದೊಳೆ ನೋಡುತಿರ್ದುವು ರಥಾಂಗಯುಗಕ್ಕೆ ಮನೋಜನೇಸು ಮೆಲ್ಲಗೆ ತೊಲಗುತ್ತುಮಿರ್ದುದುದಯಾದ್ರಿಗೆ ಗೋಪತಿ ಬರ್ಪ ಪೊಳ್ತಿನೊಳ್

ಕೆಂಪೇಱಿತು ಮೂಡಣದೆಸೆಸೊಂಪೇಱಿತು ಚಕ್ರಮಿಥುನಮಬ್ದ ಕದಂಬಂಕಂಪೇಱಿತು ಸಕಳ ಜಗಂಪೆಂಪೇಱಿತು ಪದ್ಮಮಿತ್ರನುದಯಿಸುವಾಗಳ್

ಉರ್ಕುಡುಗಲ್ ಕುಮುದಂಗಳ್ಸೊರ್ಕೊಗೆಯಲ್ ಕಮಳ ಚಕ್ರಪಕ್ಷಿಯುಗಂಗಳ್ತರ್ಕೈಸಲ್ ತಮಮಾಗಳ್ಬರ್ಕಟ ಬಯಲಾದುದರ್ಕನುದಯಿಸುವಾಗಳ್

ಇಳೆಯ ಮುಸುಂಕಂ ಮೆಲ್ಲಗೆಕಳೆಯುತ್ತೆಳ್ಚಱಿಸುತ್ತುಂ ರಥಾಂಗಮನಬ್ಚಂಗಳನೆವೆದೆಱೆಯಿಸುತುಂ ದೆಸೆಗಳನೆಳ್ಬಿಸುತೆಳ್ದುವಾಗಳಿನನ ಕರಂಗಳ್

ಕೊರಗಿಸಿ ಕುಮುದವನೆಳ್ಬಿಸಿಯರವಿಂದಮನಂಧತಮಮನೋಡಿಸಿ ದೋಷಾಕರನಂ ಕಳೆಗುಂದಿಸಿ ಪರಿವರಿದುವು ತರಣಿಯ ತಳಾಱರಂತಿರೆ ಕಿರಣಂ

ಮುದುಡಿಸುತುಂ ಕೈರವಮಂಬೆದಱಿಸುತುಂ ಕೌಶಿಕಂಗಳಂ ಘನಪಥದೊಳ್ಕೆದಱುತ್ತುಂ ಕಿರಣಾಳಿಯನುದಯಾಚಳಚೂಡದಲ್ಲಿ ಮೂಡಿದನರ್ಕಂ

ಕಮಳಾಕರದಮಳ್ವಕ್ಕಿಗಳ ಮನೋರಥಮಲರೆ ವಾಸವಾಶಾಮುಖದೊಳ್ತಮಮೆಂಬೆವೆದೆಗೆಯುತ್ತಿರೆವಿಮಳ ಜಗಚ್ಚಕ್ಷು ತೊಳಗಿ ಬೆಳಗುತ್ತಿರ್ದಂ

ಗಿರಿರಾಜಂ ನಾರದಂ ಪೇಳ್ದತಿಹಿತವಚಮಂ ಚಿಂತಿಸುತ್ತಲ್ಲಿ ನಾನಾವರ ವಾರಸ್ತ್ರಿಯರೊಳ್ ತಾಂ ಜಯೆ ವಿಜಯೆಯೆನಿಪ್ಪಿರ್ವರಂ ಕೂಡಿಕೊಂಡೊಪ್ಪಿರೆ ಮೂಱುಂ ಪುಷ್ಪಕಂಗಳ್ ಬರೆ ನಿಜಸುತೆಯಂ ಶಾಂತೆಯಂ ಸತ್ಯೆಯಂ ಶಾಂಕರಿಯಂ ಶರ್ವಾಣಿಯಂ ಶಾಶ್ವತಗುಣನಿಧಿಯಂ ಬಾರೆನುತ್ತಿರ್ದನಾಗಳ್

ಗಿರಿಪತಿ ಕರೆದೊಡೆ ಪುಳಕಾಭರಣೆ ಮಹಾದೇವಿ ಮಾನಿ ಶರ್ವಾಣಿ ಕೃಪಾಕರೆ ಹಂಸಯಾನೆ ಬಿಂಬಾಧರೆ ತಂದೆಯ ಮುಂದೆ ಬಂದು ನಿಂದಿರ್ದಾಗಳ್

ಪದೆಪಿಂದಂ ಬಂದು ಮೇನಾಸತಿ ನಿಜಸುತೆಯಂ ನೋಡಿ ಮುಂಡಾಡಿ ದೇವೀಸದಳಂಕಾರೈಕಪಾತ್ರೇ ಪುಲಿಕರಡಿಮಹಾಸರ್ಪನಮ್ಮೂವು ಸಿಂಹಂಮದವನ್ಮಾತಂಗನುಗ್ರಗ್ರಹವಿಡಿದ ಬಿದಿರ್ ಬೆತ್ತವುಂಟಲ್ಲಿ ತಾಯೇಪದುಳಂ ಪೋಗವ್ವ ಪೋಗೆಂದತಿಭಯರಸದಿಂ ಬುದ್ಧಿವೇಳುತ್ತುಮಿರ್ದಳ್

ಪಲವುಂ ದೇಶಂಗಳಂ ಭಾಸುರನಗರಿಗಳಂ ತತ್ತಟಾಕಂಗಳಂ ನಿಶ್ಚಲಕೇದಾರಂಗಳಂ ಪರ್ವತವಿತತಿಗಳಂ ವಿಂಧ್ಯಸಂದೋಹಮಂ ನಿರ್ಮಲಕಾಸಾರಂಗಳಂ ತಾವರೆಗಳನಳಿಯಂ ಹಂಸಮಾಲಾವಿಳಾಸೋಜ್ಜ್ವಲಮಂ ನೋಡುತ್ತೆ ತೋಱುತ್ತಗಜೆಗೆ ನಗನಾಥಂ ಬರುತ್ತಿರ್ದನಾಗಳ್

ಇಂತಿಂತು ನೋಡುತುಂ ಬರೆಮುಂತಿರ್ದುದು ತರಳತರಂಗಪ್ರಯುತಾನಂತ ನವಫೇನಜಲಚರಸಂತಾನಂ ತುಂಗಭದ್ರೆ ಗಂಗಾಪ್ರಾಯಂ

ಇರೆ ಕಂಡು ಕೊಂಡು ಕೊನೆಯುತೆಗಿರಿರಾಜಂ ನಿಜತನೂಜೆಗಱಿಪಿದನತ್ಯಾದರದಿಂ ಭರದಿಂ ಪರಿದುದುಸುರುಚಿರನದಿ ತುಂಗಭದ್ರೆಯೆಂಬುದು ಪೆಸರಿಂ

ತರಳತರಂಗ ಮುದ್ರೆಯನನೇಕಮುನೀಂದ್ರ ಮನಸ್ಸುಭದ್ರೆಯಂಪರಮ ಸುಧಾರಸಾರ್ದ್ರೆಯನಪಾರಗಭೀರಸಮುದ್ರೆಯಂ ಪರಾಪರಸುಖ ನಿದ್ರೆಯಂ ದುರಿತಮಾಲೆಗುಪದ್ರೆಯನತ್ಯನೂನವಿಸ್ತರ ಸುಕೃತಾರ್ದ್ರೆಯಂ ನೆರೆ ನಿರೀಕ್ಷಿಸು ಪಾರ್ವತಿ ತುಂಗಭದ್ರೆಯಂ

ತಡೆವಿಡಿದೊಪ್ಪುವಾಮ್ರವರನೇಱಿಲಶೋಕೆ ಕವುಂಗು ತೆಂಗು ಕರ್ಪಿಡಿದ ತಮಾಲಮೀಳೆ ನವದಾಡಿಮವೀಥಿ ಲವಂಗಲುಂಗವಿಂಪೊಡರಿಪ ಬಾಳೆ ಪಕ್ವಫನಸಾವಳಿ ನಿಂಬಕಂದಂಬಮಿಂಬುಗೊಂಡಡಸಿದ ಮಾತುಳಂಗತತಿ ಪೂಗಕುಲಂ ಸಲೆ ತುಂಗಭದ್ರೆಯೊಳ್

ನೆನೆದನೆ ಧನ್ಯಂ ನೋಡಿದನನಘಂ ಸೋಂಕಿದವನಮರನಘಮರ್ಷಣಮಿರ್ದನೆ ಗಣನಾಥಂ ಸೇವಿಸಿದನೆ ಮುಕ್ತಂ ಕೇಳ ತುಂಗಭದ್ರೆಯ ಜಳಮಂ

ತರದಿಂ ಕುಳ್ಳಿರ್ದ ಸಂಧ್ಯಾಸಮಯವಿಮಳಮಂತ್ರಾಕ್ಷರಸ್ತೋಮಶೋಭಾಕರ ವಕ್ತ್ರಾನೀಕದಿಂದೊಪ್ಪುವ ಮುನಿತತಿಯಂ ಪರ್ಣಶಾಲಾಂತ್ಯದೊಳ್ ಭಾಸುರ ಶಂಭುಧ್ಯಾನ ನಾನಾಜಪನಿಯಮ ಸದಾಹೋಮದಿಂದಿರ್ಪ ವಿಪ್ರೋತ್ಕರದಿಂದಂ ತುಂಗಭದ್ರಾತಟಮೆಸೆದುದು ಹೇಮಾಚಳಪ್ರಾಂತಕಾಂತಂ

ಪಱಿದೆಲೆಯಿಟ್ಟು ಪಲ್ಗಿಱಿದು ಹರ್ಱೆನುತುರ್ಬುತೆ ಪುರ್ಬನೇಱಿಸುತ್ತುಱುಗಿಸಿ ನೋಡಿ ದಾಂಟಲನುಗೆಯ್ಯುತೆ ತೂಗುತೆ ಝಂಕಿಸುತ್ತೆ ಬಾಯ್ದೆಱೆದೊಲೆಯುತ್ತೆ ಕೆಯ್ಗಳನೆ ಕೂನಿಸಿ ಕುರ್ಗುತೆ ಏಡಿಸುತ್ತೆ ತಾಂನೆರೆ ನಗಿಸಿತ್ತು ತಾಪಸಕುಮಾರರನಲ್ಲಿಯದೊಂದು ಮರ್ಕಟಂ

ಪರಮಾರ್ಥಂ ಪುಣ್ಯತೀರ್ಥಂ ಮೃಗಪತಿನಿಕರ ಸ್ವಾರ್ಥಮದ್ಯತ್‌ ಸದರ್ಥಂಸುರಭೂಜಂ ಶೈವತೇಜಂ ವಿಮಳಮುನಿಸಮಾಜಂ ನಗವ್ರಾತರಾಜಂಸ್ಥಿರಶೀಲಂ ದಂತಿಜಾಲಂ ಸುಕೃತಪರಿವೃತಸ್ಥೂಲಮೊಪ್ಪಿತ್ತು ಶೈಲಂವರಕೂಟಂ ಶೃಂಗಮಾಟಂ ಮೃಗಧರಧರಜೂಟಂ ಕರಂ ಹೇಮಕೂಟಂ

ತರುತರುಗಳೊಳಗನಾದಿಯಹಿರಿಯರತಿವ್ರತಿಗಳಚಳರಾರೂಢ‌ರ್ ಭಕ್ತಿರಸಾವಿಷ್ಟ‌ರ್ ನಿಯತ‌ರ್ಪರಮ ತಪೋನಿಧಿಗಳಧಿಕರುನ್ನತರಿರ್ಪರ್

ವೇದಕರೀಶನ ಭಕ್ತಿಯಬೋಧಕರುರುಸಾತ್ವಿಕರ್ ಸದರ್ಥರ್ ಸಿದ್ಧ‌ರ್ಸಾಧಕರುತ್ತಮರಭವಾರಾಧಕರತಿಸಾಧುಗಳ್ ವಿರಾಜಿಸುತಿರ್ಪ‌ರ್

ನಿರತರ್ ಭರಿತ‌ರ್ ಚರಿತ‌ರ್ಪರತತ್ತ್ವರತರ್ ನುತ‌ರ್ ವಿಕರ್ತನ ತೇಜಃಕಿರಣ‌ರ್ ಕರುಣ‌ರ್ ಶರಣ‌ರ್ಕರುಣಾಳುಗಳರುಣಮಣಿನಿಭರ್ ನೆಲಸಿರ್ದರ್

ಕರೆಯವು ಕೋಗಿಲೆ ಮಧುಪಂಮೊರೆಯವು ಗಿಳಿಗಳಪವನಿಲನಲ್ಲಾಡಂ ಪೆರ್ಮರನಂ ಗಿಡುವಂ ಲತೆಯಂಗುರುಶರ್ವಸಮಾಧಿಭೀತಿಯಿಂದಾ ನಗದೊಳ್

ಭಾನುಪ್ರದ್ಯೋತಕಾಯಂ ನುತಸುಕೃತನಿಕಾಯಂ ವಿಮಾಯಂ ಮಹೇಶಧ್ಯಾನಾರೂಢಂ ಸಗಾಢಂ ಸದಮಳಗುಣಚೂಡಂ ಶಿವಜ್ಞಾನಲೀಢಂಶ್ರೀನಂದೀಶಂ ಸುವೇಶಂ ಸುರುಚಿರ ಸುಖಸಾಕಾರಸಾರಂ ಸುಧೀರಂಸಾನಂದಂ ಕಾದು ನಿಂದಂ ಗಿರಿಶಿಖರ ಮುಖದ್ವಾರಮಂ ಭಕ್ತಿಯಿಂದಂ

ಅಂತಿರ್ದು ನಂದಿನಾಥಂಮುಂತಿದಿರ್ವಂದಗಜೆಗೆಱಗಿ ಹೆಱಸಾರ್ದೊಲವಿಂದಂ ತಾಯೆ ದೇವಿ ಶಾಂತೆಯನಂತಗುಣಾಭರಣೆ ಕರುಣಿ ಶರಣೆನುತಿರ್ದಂ

ತೊಳಗುವ ಶಾರದ ನೀರದದೊಳಗಿಂ ಮಿಂಚಿಳಿವ ತೆಱದೆ ಗಿರಿಸುತೆ ಶಶಿಮಂಡಳದಧಿದೇವತೆ ಧರಣೀತಳಕ್ಕೆ ಬರ್ಪಂತೆ ಪುಷ್ಪಕದಿನಿಳಿತಂದಳ್

ಒಡನಿಳಿದಂ ಗಿರಿರಾಜಂತಡವಿಲ್ಲದೆ ಭೋಂಕನಿಳಿದು ಜಯೆವಿಜಯೆಗಳಾಗಡೆ ನವರತ್ನದ ಪಾವುಗೆಯಿಡೆ ಮೆಟ್ಟಿದಳಗಜೆ ಮುಟ್ಟಿದಳ್ ಶಿವನೊಲವಂ

ಗಿರಿರಾಜಂ ಕೆಯ್ಗುಡೆ ನೇವುರದ ಕಳಧ್ವಾನಮೊಗೆದು ನಗಮಂ ಜಗಮಂಪರಿವೇಷ್ಠಿಸೆ ಬರುತಿರ್ದಳ್ಪರಮೇಶ್ವರಿ ಚಂದ್ರಧರನನೀಕ್ಷಿಪ ಭರದಿಂ

ಇದು ವಿದ್ಯುತ್ಪ್ರಭವಪ್ರಭಾಪ್ರಸರಮೋ ಸಂಪೂರ್ಣಚಂದ್ರಾಂಶುಸಂಪದಮೋ ಶಾಶ್ವತ ಸೂರ್ಯಕೋಟಿರುಚಿರಪ್ರದ್ಯೋತಮೋ ಮೀಱಿ ಪೊಣ್ಮಿದ ಸರ್ವೇಶನಿಜಪ್ರಕಾಶನಿಧಿಯೋ ಪೇಳೆಂಬಿನಂ ತೋಱುತಿರ್ದುದು ದಿಕ್ಸಂಕುಳನಿರ್ಮಳೀಕೃತ ವಿರೂಪಾಕ್ಷ ಪ್ರಭಾಮಂಡಲಂ

ವಿಳಸತ್‌ ಪದ್ಮಾಸನಂ ಭಾಸುರಭಸಿತವಪುರ್ವಲ್ಕಲಂ ಧಾನ್ಯಮುದ್ರಾಂಗುಳಿ ರುದ್ರಾಕ್ಷಾಕ್ಷಮಾಲಾರುಚಿ ನಳಿಗುಣವ್ರಾತಯಜ್ಞೋಪವೀತಂಲಳಿತಾಸ್ಯಂ ಸ್ನಿಗ್ಧಗಂಡಂ ಮುಕುಳಿತನಯನಂ ಚಿತ್ತನಿಷ್ಕಂಪನಂ ಪಿಂಗಳವರ್ಣೋದ್ಯಜ್ಜಟಾಮಂಡಳಮೆಸೆಯೆ ತಪೋವೇಷದಿಂದೀಶನಿರ್ದಂ

ಮನಮೆಂತು ಬುದ್ಧಿಯೊಳ್ ಬುದ್ಧಿಯ ನಿಲವದಹಂಕಾರದೊಳ್ ತಾನಹಂಕಾರ ನಿಜಂ ಚಿತ್ತಾಂತದೊಳ್ ಚಿತ್ತದ ನೆಲೆ ವಿಲಸತ್ ಪ್ರಾಣದೊಳ್ ಪ್ರಾಣಮುಂ ಜೀವನೊಳಾದಂ ಕೂಡೆ ಜೀವಂ ಪರಮನೆನಿಸಿ ನಿರ್ಮಾಯ ನಿಷ್ಕಾಮಿ ನಿಷ್ಕಂಪ ನಿವಾತಜ್ಯೋತಿರೂಪಂ ನಿರುಪಮನೆನಿಸಿರ್ದಂ ವಿರೂಪಾಕ್ಷಲಿಂಗಂ

ಭಿನ್ನಾಭಿನ್ನಂ ಜ್ಞಾನಮಯಂ ನಿಜತೇಜೋವಿಲೀನ ಮಾನಸನಚಲಂತನ್ನ ತಾನೇ ಜಾನಿಪಬಿನ್ನಣದೊಳಗಿರ್ದನಭವನದ್ವಯರೂಪಂ

ಇದುಸತ್ಯಾಕಾರಮೋ ಶಾಂತಿಯ ನೆಲೆವನೆಯೋ ಧರ್ಮವಿಸ್ತಾರಮೋ ಪುಣ್ಯದ ಜನ್ಮಸ್ಥಾನಮೋ ಜ್ಞಾನದ ನಿಜರುಚಿಯೋ ನಿತ್ಯನಿರ್ಮಾಯಮೋ ತತ್ತ್ವದ ತೇಜಃಪುಂಜಮೋ ಮುಕ್ತಿಯ ಸುಖಮುಖಮೋ ಯೋಗಸಂಧಾನಮೋ ನೋಡಿದು ತಾನೆಂಬಂತೆ ಮುಂತಿರ್ದುದು ಶಿವನ ನಿಜಧ್ಯಾನಮೂರ್ತಿಪ್ರಭಾವಂ

ಮಾತಿನ ವೇಧೆಯ ಬೋಧೆಯಭೂತಾದಿಯ ಪಂಚವಿಂಶತಿಗಳಂ ಮೀಱಿಜ್ಞಾತೃಜ್ಞಾನಜ್ಞೇಯವ್ರಾತಮನಳಿದುಳಿದು ತಾನೆ ತಾನಾಗಿರ್ದಂ

ಮುನಿತತಿಗಳ ಮನವೆಯ್ದದಮನುಗಳ ಬಗೆ ಪುಗದ ಶಾಸ್ತ್ರವಱಿಯದ ವೇದಂಜಿನುಗುವ ಗಜಬಜೆ ನಿಳ್ಕದಘನತೇಜೋರಾಶಿ ನಿಜ ನಿವೇಶದೊಳಿರ್ದಂ

ಪೊಱಗಂ ಬಳಸದ ಮಾಯೆಗೆತೆಱಹಂಗುಡದಚ್ಚಬಚ್ಚಬಱಿಯಱಿವಿನ ಸೈವೆಱಗಿನ ಮಱಹಿನ ಕುಱುಹಿನಕಱೆಗೊರಲಂ ನಿಜಸಮಾಧಿಯೊಳ್ ಸಂದಿರ್ದಂ

ಇರೆ ಕಾಣುತೆ ಗಿರಿರಾಜಂಪರಮಸುಖಂಬಡೆದು ಪಿಡಿದು ಮೆಲ್ಲಡಿಗಳನಾದರದಿಂ ಹರ್ಷಂ ಮೂಡುತ್ತಿರೆ ಪುಳಕದ ಮೆಯ್ಯೊಳೊಲ್ದು ಮೆಯ್ಯಿಕ್ಕಿರ್ದಂ

ಅನುಪಮನಿರ್ದನಿರ್ದನೆ ಶರಣ್ಬುಗು ಶಾಶ್ವತಮೂರ್ತಿಯಿರ್ದ ನಿರ್ದನೆ ನಡೆನೋಡು ಚಂದ್ರಧರನಿರ್ದನೆ ನಂಬು ನಿಜೇಶನಿರ್ದನಿರ್ದನೆ ಪರಿಭಾವಿಸಪ್ರತಿಮನಿರ್ದನೆ ಕೀರ್ತಿಸು ಶಂಭುವಿರ್ದನಿರ್ದನೆ ಪದೆದರ್ಚಿಸರ್ಚಿಸೊಲವಿಂದಮೆ ಪಾರ್ವತಿ ಹಂಪೆಯಾಳ್ದನಂ

ನಿಧಿಯಿದೆ ಭಕ್ತರ ಬಯ್ಕೆಯನಿಧಾನವಿದೆಯಚ್ಚಶರಣರನುವಿದೆ ಕರುಣಾಂಬುಧಿಯಿದೆ ಸುಧೆಯಿದೆ ಕೇಳ್ ನಿನ್ನಧಿಪಂ ಶಶಿಮೌಳಿಯೆಂಬ ಕಲ್ಪಮಹೀಜಂ

ಸದಮಳವಿದೆ ಪರತತ್ತ್ವದನಿಧಾನಮಿದೆಯಾದ್ಯರಱಿದು ಕುಱುಪಿಟ್ಟಾನಂದದ ಮೊದಲಿದೆ ಪರಮಾರ್ಥದತುದಿಯಿದೆ ಗಿರಿಜಾತೆ ನೋಡು ನೆನೆ ಹೊಗಳೆಂದಂ

ಆನಿರ್ದಂತಿರದೇಕೆ ಬೇಡ ತಪವೆಂದೆಂಬಂತಹಂಕಾರದಿಂನೀನೇ ಸದ್ಗತಿ ದೇವ ದೇವ ದಯೆಗೆಯ್ಯೆಂಬಂತೆ ಕಾರ್ಪಣ್ಯದಿಂಸಾನಂದಾತ್ಮಕನೆನ್ನನೇಕಱಿವನೆಂದೆಂಬಂತೆ ನಿರ್ವೇದದಿಂನಾನಾ ಭೋಗದೊಳೆಂದು ಕೂಡಿದಪೆನೆಂಬಂತಾಸೆಯಿಂ ನೋಡಿದಳ್

ಶಿವನೀತಂ ನಿಜವಲ್ಲಭಂ ಮಮಗುರು ಪ್ರಖ್ಯಾತನತ್ಯೂರ್ಜಿತಂಭವನೆನ್ನಾಳ್ದನೆನಿಪ್ಪುದಂ ತಿಳಿದೆನಾಂ ನೀಂ ಪೋಗು ನಿತ್ಯಾರ್ಚನೋತ್ಸವದಿಂ ಸಂತಸದಿಂ ಸದಾತುರತೆಯಿಂ ಸಾನಂದದಿಂದಿರ್ಪೆನೆಂದು ವಿಳಾಸಾಬ್ಧಿ ಭವಾನಿ ನೋಡಿ ನುಡಿದಳ್ ಭೂಭೃತ್ಕುಲಾಧೀಶನೊಳ್

ನುಡಿಯೆ ಗಿರಿರಾಜನೊಲವಿಂಮೃಡಾಣಿಯಂ ನೋಡಿ ಮಗಳೆ ಮಾತೆ ಕರಂ ನಟ್ಟಡವಿ ಗುಹೆ ಗಹ್ವರಂ ಮಡುಗಿಡುವವಱೊಳ್ ಪದುಳಮರ್ಚಿಸೆನುತುಂ ನುಡಿದಂ

ಪತ್ತಡಿಯಿಟ್ಟತಿಮೋಹಂಚಿತ್ತಮನಳ್ಳಿಱಿಯೆ ತಿರುಗಿ ಬಂದು ಗಿರಿಜೆ ಲೋಕೋತ್ತಮೆ ಪೋದಪೆನೆನುತುಂಮತ್ತಂ ಮತ್ತಪ್ಪಿ ಪರಸಿ ಗಿರಿಪತಿ ಪೋದಂ

ಇದೆ ವಿಭು ಸಾರ್ದನೊಲ್ದು ಪರವಂ ಪರವಂ ಪರವಂಚನೋಕ್ತಿ ಕೊಳ್ಳದು ತಪಮತ್ಯಸಾಧ್ಯ ವಿಷಯಂ ವಿಷಯಂ ವಿಷಯಂತ್ರದಂತೆ ಸುತ್ತಿದುದುಪತಾಪವೆಯ್ದಿ ತನುವಂ ತನುವಂ ತನುವಂ ಕಪರ್ದಿ ನೋಡಿದೊಡೆನಗಾದುದೆಯ್ದೆ ಕುಮುದಂ ಕುಮುದಂ ಕುಮುದಂ ಮೃಗೇಕ್ಷಣೇ

ತಪಮಿಂತಿದು ಮದ್ವಿರಹಾತಪಮತ್ಯಧಿಕಂ ತುಡುಂಕಬಾರದಪಾರಂತಪನನ ತೇಜಕ್ಕಂ ವಿತ್ತಪನಱಿವಿಂಗಂ ವಿಶೇಷ ಚೋದ್ಯಮಭೇದ್ಯಂ

ನಿಗಮಂಗಳ್ ವಿಷ್ಣು ವಿರಿಂಚಿಗಳಱಿಯದ ಶಿವನನಱಿವೊಡೆನ್ನಳವೇ ತಾಂಬಗೆವೊಡೆ ಸಾತ್ತ್ವಿಕ ಶಿವಭಕ್ತಿಗಲ್ಲದಭವನಂ ಸಮಂತು ಸಿಲ್ಕಂ ನಿಲ್ಕಂ

ಅದುಕಾರಣದಿಂ ಭಕ್ತಿಪ್ರದನಂ ವಿರೂಪಾಕ್ಷನಂಘ್ರಿಗಳನರ್ಚಿಸುವೆಂಸದಮಳ ಶಿವಸುಖಮುಖಸಂಪದದೊಳ್ ಬಳಿಕಿರ್ಪೆನಪ್ಪಿ ಶರ್ವನ ತನುವಂ

ಎಂದಬಲೆಯರೊಳ್ ನುಡಿಯುತ್ತುಂ ದಟ್ಟಡಿಯಿಟ್ಟು ಭಕ್ತಿ ತನ್ನಯೆ ಮನಮಂಬಂದಡರೆ ಭರಂಮಿಗೆ ಮುದದಿಂದಂ ಪುಷ್ಪಾಪಚಯಕ್ಕೆ ಗಿರಿಸುತೆ ಬಂದಳ್

ನೇವುರದ ನುಣ್ದನಿಗೆ ಮಿಗೆಯಾವರಿಸುವ ಹಂಸೆವಿಂಡನೆಡಪುತ್ತುಂ ಸದ್ಭಾವಕಿ ಭಾಮಿನಿ ಭರ್ಗನಜೀವಂ ಶೃಂಗಾರವಾರಿನಿಧಿ ನಡೆತಂದಳ್

ಅರರೆ ಸುಕುಮಾರೆ ಸೌರಭ್ಯರತೆ ವಸಂತಾನುಕೂಲೆ ಮೆಲ್ಲಡಿಯಿಡುತುಂಹರನ ಜಡೆಮುಡಿಗೆ ನಡೆತಂದಿರವಂತಿಗೆಯರಲನಗಜೆ ಬಗೆ ಮಿಗೆ ತೆಗೆದ‌ಳ್

ತೊಳಗುವ ಚಂಪಕಮಾಲೆನಾಸಿಕೆಬಳಸಿದ ಚಂಪಕಮಾಲೆ ಸುಗಂಧಿ ನಗನಂದನೆ ಬಂದಳಿಮನವಲ್ಲದ ಭಕ್ತ್ಯುಜ್ಜ್ವಳೆ ತಿಱಿದಳ್ ಕಂಪು ಸುರಿವ ಸಂಪಗೆಯಲರಂ

ಎಸೆವ ರಜೋಗುಣ ಲಸಿತಪ್ರಸನ್ನಮುಖರಾಗಯುಕ್ತೆ ಶಿವಪದಪೂಜಾವ್ಯಸನೆ ಶಶಿವದನೆ ತಿಱಿದಳ್ಪೊಸ ಹರಿಸಮನಾಂತು ಶಾಂತೆ ಸೇವಂತಿಗೆಯಂ

ಪರಮೋತ್ಸವದಿಂ ನಡೆತಂದುರುತರ ಮೃಗನಾಭಿಗಂಧಿ ನಿಂದು ಬಿಳಿಯ ಕತ್ತುರಿ ತಾನೆನಿಸುವ ಪಡ್ಡಳಿಯರಲಂ ತಿಱಿದಳ್ ಭವಾನಿ ಶಿವಪೂಜಾರ್ಥಂ

ಎಳಸಿ ನಲಿನಲಿದು ನವಪಾಟಳಗಂಧಿಕೆ ಪಾಟಳಾಂಗಿ ಮಿಗೆ ಕೊಯ್ದಳ್ ಪಾಟಳರುಚಿರಾಧರೆ ಕಾಮನಶಿಳೀಮುಖದ ಪರಿಯ ಪಾದರಿಯ ಪೊಸ ಪೂವಂ

ಕಮಳಂದಿಱಿಯಲ್ ನಿಜಕರಕಮಳಮುಮಂ ನೀಡೆ ಕೆಯ್ಯ ಕಂಪಿಂಗಮಮಭ್ರಮರಾಳಿ ಮುತ್ತೆ ಕರಮಂಕಮಳಂ ದಿಟಮೆಂದು ಬಗೆದು ನೋಡುತ್ತಿರ್ದಳ್

ಮಿಸುಪ ನವತರುಣ ತರಣಿಯಪಸಿಯ ಬಿಸಿಲ್ ಮಸಗೆ ತನುವಿನರಿಸಿನವೊಲವಿಂದೆಸೆವ ರಥಾಂಗಕುಚದ್ವಯೆಪೊಸದಾವರೆವೂವನೋವಿ ಭಾವಿಸಿ ತಿಱಿದಳ್

ಸದಮಳ ಮೃದುಮಯ ಹಸ್ತಪ್ರದೇಶಮಂ ಸುತ್ತಿ ಮುತ್ತೆ ಮತ್ತಾಳಿಗಳಂಬುದ ಕೋದಂಡ ಭ್ರೂಯುಗೆಸುದೀರ್ಘನಖೆ ಕೊಯ್ದಳೊಲ್ದು ನುತಕೇತಕಿಯಂ

ಸೆಳ್ಳುಗುರ್ಗಳ ನಳನಳಿಸುವಬಳ್ಳಿವೆಳಗು ಕರೆಯೆ ಕೌಮುದಿಯನುತ್ಸವದಿಂದುಳ್ಳಲರ್ವ ಕುಮುದಕುಲದೊಳಗೊಳ್ಳಿದುವಂ ತೆಗೆದಳಿಂದುಮುಖಿ ತಿಳಿಗೊಳನೊಳ್

ಜಾತಿಸುಗಂಧಿನಿ ಮೇನಾಜಾತೆ ಕುಸುಮ ಜಾತಿಯೊಳಗೆ ಜಾತಿಯಿದೆಂದಾಜಾತಿ ಸ್ತ್ರೀ ಜಾತಿಯೊಳತಿಜಾತೆ ಜಗನ್ಮಾತೆ ಜಾತಿಯರಲಂ ಕೊಯ್ದಳ್

ಮಲ್ಲಿಗೆ ಶರ್ವನ ಜೆಡೆಮುಡಿಯಲ್ಲಿಗೆ ಕೊಂಡೊಯ್ಯಲೆಂದು ಸಮ್ಮುದದಿಂ ನಿಮ್ಮಲ್ಲಿಗೆ ಬಂದೆನೆನುತ್ತುಂಮಲ್ಲಿಗೆಯಲರ್ದೊಂಗಲಂ ಮಹೇಶ್ವರಿ ಕೊಯ್ದಳ್

ಸಹಜಾಮೋದೆ ಸುಗಂಧಾಮಹಮೆನಿಸಿದ ಮರುಗದಲ್ಲಿ ಪರಿಮಳದೆಲೆಯಂಬಹುಗುಣಭೂಷಣೆ ಭಕ್ತಿಯೊಳಹಿನಿವಹಾಭರಣನರ್ಚನೆಗೆ ನೆರೆ ತಿಱಿದಳ್

ನಲವಿಂದಂ ಮುಡಿವಾಳದನೆಲೆಗೆಯ್ತಂದಗತನೂಜೆ ಬೇರಂ ಬಲ್ಲರ್ಗೆಲೆದೋಱಲೇಕೆ ನೀನೆನುತೊಲವಿಂ ಪರಿಮಳದ ಬೇರ್ಗಳಂ ಬರೆ ತೆಗೆದಳ್

ಇಂತಿಂತನಂತಕಾಂತಲತಾಂತಂಗಳನಾಯ್ದು ಕೊಯ್ದು ಸಂತಸದಿಂದಂಮುಂತೆ ನವಾಂಕುರಕಿಸಲಯದಿಂ ತೀವಿದ ಬಾಲಚೂತದೆಡೆಗೆಯ್ತಂದಳ್

ಒಡನೆ ಜಯೆವಿಜಯೆಗಳ್ ಮೆಲ್ಲಡಿಯಿಡುತುಂ ಬಂದು ಪುಷ್ಪಪುಟಿಕೆಗಳಂ ಸಂಗಡಮಿಳುಹಿ ವಿಮಳತಳದೊಳ್ಪೊಡೆಮಡುತುಂ ಗಿರಿತನೂಜೆಗತಿಮುದದಿಂದಂ

ಪರಿಮಳದಧಿದೇವತೆಯೋವರಕುಮುದದ ಕೂಡೆ ಬಂದ ಶಶಿಕಳೆಯೋ ವಾರಿರುಹದ ನಡುವೆಯ್ತಂದಿಂದಿರೆಯೋ ಎನೆ ದೇವಿ ಪೂವನೋವುತ್ತಿರ್ದಳ್

ಮುಟ್ಟಿದೊಡಾಗಾಳೆ ಕಂದುವನೆಟ್ಟನೆ ನೋಡಿದೊಡೆ ಕೋಡಿ ಬಾಡುವ ನೆನೆಯಲ್ತೊಟ್ಟನೆ ಕೊರಗುವ ಪೂವಂಕಟ್ಟುವ ಪರಿಯೆಂತೆನುತ್ತೆ ಚಿಂತಿಸುತಿರ್ದಳ್

ಅತಿಸುಕುಮಾರೆ ಸುಖಾಕರೆನುತ ಗುಣಗಣಯುಕ್ತೆ ಶಾಂತೆ ಸಾತ್ತ್ವಿಕರೂಪಾನ್ವಿತೆ ಸರ್ವಕಳಾನಿಧಿ ಪಾರ್ವತಿಸತಿ ಶತಪತ್ರಸೂತ್ರಮಂ ತೆಗೆಯುತ್ತುಂ

ವದನಕ್ಕಂ ಕುಸುಮಕ್ಕಂಪದೆದೆಱಗುವ ಮಧುಕರಂಗಳಂ ಸೋವುತ್ತುಂಮೃದುತರ ಸರಳಾಂಗುಲಿಯಿಂಸದಮಲೆಯಿರವಂತಿಯರಲನೊಲವಿಂ ಪಿಡಿದಳ್

ಪಿಡಿದೆತ್ತಿ ನಳಿನ ಗುಣದೊಳ್ತೊಡರ್ಚುತುಂ ಮೆಲ್ಲ ಮೆಲ್ಲನಿರವಂತಿಯ ಪೂದೊಡಿಗೆಗಳಂ ವಿರಚಿಸಿದಳ್ಮೃಡಾಣಿ ಮೃಡನವಯವಕ್ಕೆ ಸಡಗರದಿಂದಂ ‌

ಸರಸಿಜಬಂಧಂ ಕಮಲಾಕರಬಂಧಂ ಮುರಜಬಂಧಮುತ್ಪಲಬಂಧಂತರುಬಂಧಂ ಗಿರಿಬಂಧಂವರಬಂಧಂ ಲಿಂಗಬಂಧಮಂ ವಿರಚಿಸಿದಳ್

ಸುರರ ಶಿರೋಮಾಲಾವಿಸ್ತರಬಂಧ ನಾಗಬಂಧಮವನೀಬಂಧಂದ್ವಿರದಾಜಿನಬಂಧಂ ವಿಸ್ತರ ವಿಧುರವಿಬಿಂಬ ಬಂಧಮಂ ವಿರಚಿಸಿದಳ್

ಕರಕಮಲದ ಲೋಚನಸರಸಿರುಹದೆ ವದನಾರವಿಂದದಾ ಪರಿಮಳದಿಂಪೊರೆಯುತ್ತುಂ ಪೊಸಪೂವಂಗಿರಿಜೆ ಸುಖಂ ಮುಟ್ಟಿ ಮುಟ್ಟಿ ಕಟ್ಟುತಿರ್ದಳ್

ಈ ತೆರದಿಂ ಕ್ಷಿತಿಧರವರಜಾತೆ ಜಗನ್ಮಾತೆಯೆಸೆವ ಕುಸುಮಾವಳಿಯಿಂದೋತು ಮನೋಹರಮಪ್ಪ ವಿನೂತನ ಮಾಳಾವಿಳಾಸಮಂ ಮಿಗೆ ಸಮೆದಳ್

ಇರುಳುಂ ಪಗಲುಂ ಕಾಮಂತರದಿಂ ತೆಗೆದೆಚ್ಚ ಕುಸುಮಬಾಣಮಿದೆಂದಾಗಿರಿಶಂಗೆ ತೋರ್ಪ ತೆಱದಿಂನೆರಪಿದಳಭವಾಂಘ್ರಿಗಳ್ಗೆ ಪುಷ್ಪಾಂಜಳಿಯಂ

ಸಂದಣಿಸುವ ನವನವ ಪುಳಕಂ ದಟ್ಟಯ್ಸುತ್ತೆ ನೆಗೆಯೆ ಶಶಿಮೌಳಿಗೆ ಪೂರ್ಣೇಂದುಮುಖಿ ಪೊಡೆಮಡುತ್ತಾನಂದಾಶ್ರುಗಳಿಂದೆ ಚರಣತಳಮಂ ತೊಳೆದಳ್

ಪದೆಪಿಂ ಪೊಡೆಮಡುವಾಗಳ್ಮೃದುತರಪದದುಪರಿಭಾಗಮಂ ಚೆಲ್ವಿಂ ಪತ್ತಿದ ಮಕರಂದದ ತಿಳಕಂಸದಮಳ ಚಂದನ ವಿಳಾಸಮೆನಿಸಿತ್ತಾಗಳ್

ಸದ್ಗಂಭೀರಾವೃತ ವಿಳಸದ್ಗಮಕದೆ ನಿಂದು ಶಿವನ ಮೆಲ್ಲಡಿಗಳಿಗುದ್ಯದ್ಗುಣಭೂಷಣೆ ಸುರಿದಳ್ಗದ್ಗದಿಸುತೆ ಪುಳಕಿಸುತ್ತೆ ಸರಸಿಜದಲರಂ

ಊರುದ್ವಯದೊಳ್ ಕರದೊಳ್ಚಾರುಭುಜಾಗ್ರಂಗಳೊಳ್ ಸುಬಾಹುಗಳೊಳ್ ಪುಣ್ಯೋರ ಸ್ಥಳದೊಳ್ ಗಿರಿಸುತೆಹಾರಯ್ಸುತೆ ಕುಸುಮಮಾಲೆಯಂ ಪಸರಿಸಿದಳ್

ತವ ತವಗೆ ಮುಂಚುವಿಂದ್ರಿಯನಿವಹಮನೋವುತ್ತೆ ಗಿರಿಜೆ ಹರಕಂಧರದೊಳ್ನವಕುಸುಮಮಾಲೆಯಂ ಸಾರ್ಚುವ ನೆವದಿಂ ಸೋಂಕಿ ಸೋಂಕಿ ಪುಳಕಿಸುತಿರ್ದಳ್

ಭರದಿಂದಂ ನವಕುಸುಮಾಭರಣಂಗಳನಭವನಂಗದೊಳ್ ಸಿಂಗರಿಸುತ್ತರಳುತ್ತುರ್ಬುತೆ ಕೊರ್ಬುತೆಗಿರಿಸುತೆ ನಱುಸುಯ್ಯ ಧೂಪಮಂ ಪದೆದಿತ್ತಳ್

ಅಲರ್ದೊಂಗಲ ಪೊಸದುಡಿಗೆಯನಲಂಪಿನಿಂ ಶಂಕರಂಗೆ ಕೆಯ್ಗೊಳಿಸುತ್ತಗ್ಗಲಿಸುತ್ತೆತ್ತಿದಳಂಬಿಕೆನಲವಿಂ ನಗೆಮೊಗದ ಕಾಂತಿಯೆಸೆವಾರತಿಯಂ

ಉತ್ತಮ ಗುಣಗಣಭೂಷಣೆಚಿತ್ತವಿಕಾಸಮನೆ ಪಡೆದು ಸಾತ್ತ್ವಿಕ ಭಾವೋನ್ಮತ್ತೆ ನಗಪುತ್ರಿ ಮುದದಿಂದಿತ್ತಳ್ ಶರ್ವಂಗೆ ಭಕ್ತಿಯಾರೋಗಣೆಯಂ

ಪೊಸಜಡೆಯೊಳ್ ತೊಡಂಕಿ ನೊಸಲೊಳ್ ನಡೆಪಾಡಿ ಕಪೋಲಭಾಗದೊಳ್ಪಸರಿಸಿ ಲೋಚನಂಗಳೊಳಮರ್ಚಿ ತದಾಸ್ಯದೊಳೊಂದಿ ಕಂಠದೊಳ್ಮಿಸುಗಿ ಭುಜಾಗ್ರದೊಳ್ ತೊಳಗಿ ಪಕ್ಷದೊಳಾಳ್ದು ಕರಂಗಳೊಳ್ ವಿರಾಜಿಸಿ ಪದದಲ್ಲಿ ಬಿಳ್ದುವು ಭವಾನಿಯ ಮಾನಿಯ ದೈನ್ಯದೃಷ್ಟಿಗಳ್

ಬೆಮರ್ವಳ್ ಬೆರ್ಚುವಳುರ್ಬುವಳಮರ್ವಳ್ ಪೆಱಸಾರ್ವಳಂಜಿ ನಿಲ್ವಳ್ ಸೋಂಕಲ್ನಿಮಿರ್ವಳ್ ನೆನೆವಳ್ ಮುನಿವಳ್ಸಮಸಲ್ವಳ್ ಗಿರಿಜೆ ಸೆಡೆದು ಸುಯ್ವಳ್ ಕಾಯ್ವಳ್

ಚಾರುತರ ಕಾಂತಿಮಯಸುಕುಮಾರಾವಯವಂಗಳಂ ನಿರೀಕ್ಷಿಸಿ ನಲಿವಳ್ತಾರಾಚಳನಾಥನ ಘನವೈರಾಗ್ಯಕ್ಕಂಜಿ ನಡುಗಿ ಸಿಡಿಮಿಡಿಗೊಳ್ವಳ್

ಶಿವನಂ ನೋಡುತ್ತೆ ಮೇನಾಸುತೆ ಮದನಸುಖಾಸಕ್ತಿಯಿಂ ಸುತ್ತುವಳ್ ಸೋಂಕುವಳಾನಂದಾಶ್ರುವಂ ಸೂಸುವಳನುವಿಸುವಳ್ ತತ್ತಪಕ್ಕಂಜಿ ಹಿಮ್ಮೆಟ್ಟುವಳಂತಂತಳ್ಕುವಳ್ ಬಳ್ಕುವಳದಟಳಿವಳ್ ಕೋಡುವಳ್ ಬಾಡುವಳ್ ಕುಂದುವಳಾರ್ತಂಗೆಟ್ಟು ನಿಲ್ವಳ್ ನೆನೆದುರವಣಿಪಳ್ ಮುಂದಳಲ್ವಳ್ ಬಳಲ್ವಳ್

ನಗುವಳ್ ನಗೆಯೊಳ್ ಕೌತುಕಮೊಗೆಯೆ ನಿರೀಕ್ಷಿಸುವಳೀಕ್ಷಣದೊಳಗೆ ದೈನ್ಯಂಮಿಗೆ ಭಾವಿಸುವಳ್ ಭಾವದೊಳಗೆ ದೇವನ ಚೆಲ್ವನಬಲೆ ಸಲೆ ನಿಲೆ ನೆನೆವಳ್

ಹರನಂ ಶಿವನಂ ಮೃಗಧರಧರನಂ ಸುಸ್ನೇಹಮಡರೆ ನವನವ ಕುಸುಮೋತ್ಕರದಿಂದೆ ನಚ್ಚಿ ಮಚ್ಚಿಯೆಗಿರಿಜಾವಧುವರ್ಚಿಸುತ್ತುಮಿರ್ಪಿನಮತ್ತಲ್

ಪರಮಸ್ವಾಮಿ ಜಟಾಧರಂ ಶಶಿಧರಂ ಗಂಗಾಧರಂ ಕಾಲಸಂಹರನಜ್ಞಾನಹರಂ ಪುರತ್ರಯಹರಂ ಸೌಖ್ಯಾಕರಂ ಶಂಭು ಶಂಕರನಾನಂದಕರಂ ಸಮಂತೆನಗೆ ಭಕ್ತಿಜ್ಞಾನ ವೈರಾಗ್ಯಮಂಕರುಣಂಗೆಯ್ಗೊಲವಿಂದೆ ಹಂಪೆಯ ವಿರೂಪಾಕ್ಷಂ ಶಿವಾವಲ್ಲಭಂ