ಶ್ರೀ ಗೌರೀ ಕುಚಯುಗಳ ಪರಾಗಯುತಾನರ್ಘ್ಯರತ್ನವಿಳಸದ್ವಕ್ಷೋಭಾಗಂ ಸದ್ಭಕ್ತಿಯನೆಮಗೀಗೆ ದಯಾವಾರ್ಧಿ ಹಂಪೆಯ ವಿರೂಪಾಕ್ಷಂ

ಅಂತಿರ್ಪಾಸ್ಥಾನದೊಳ್ ಭೂಭುಜನಿಕರ ಕಿರೀಟಪ್ರರತ್ನಪ್ರಭೂತಾನಂತಪ್ರದ್ಯೋತ ನೂತ್ನೋದಕಜನಿತ ಪದಾಂಭೋಜನುದ್ಯದ್ಧರಿತ್ರೀಕಾಂತಾ ವಕ್ಷಃಸ್ಥಲಾಲಿಂಗನಭರ ನಿಜದೋರ್ದಂಡ ಚಂಡಾಸಿಧಾರಾಶ್ರಾಂತಂ ಪ್ರಾತರ್ಕ್ಯವೈರಿವ್ರಜಧರನೆನಿಸಿರ್ದಂ ಗಿರಿವ್ರಾತನಾಥಂ

ಇರೆ ಮಾಧ್ಯಂದಿನ ಡಿಂಡಿಮವರನಾದಂ ಕೇಳಲಾಗೆ ಗಿರಿಕುಲರಾಜಂತರದಿಂ ನೆರೆದೋಲಗಮಂಪರೆಯಲ್ವೇಳ್ಕೆಂದು ಪೇಳ್ದ ಸಮನಂತರದೊಳ್

ಕ್ವಣಿತಾನೇಕಪ್ರಧಾನಾಭರಣ ಚರಮಹಾಮಾತ್ಯ ಸಾಮಂತಯೂಥಂಗಣಿಕಾಸಂತಾನ ನಾನಾ ನವಮಣಿಗಣ ವಿಸ್ತೀರ್ಣ ಮಂಜೀರಮುದ್ರಾರಣಿತಂ ತದ್ವೇತ್ರ ಹಸ್ತಪ್ರತಿಮುಖರ ಪ್ರೋದ್ಗತಾಭೀಳಘೋಷಂಪ್ರಣತಾಸಕ್ತಾವನೀಶ ಪ್ರಕಟಮಕುಟಯುಕ್ತಂ ಸಭಾವಾಸವಕ್ತ್ರಂ

ಗಿರಿರಾಜಂ ಸಿಂಹಪೀಠೋತ್ಥಿತಕರಭರನಾಗುತ್ತುಮೇಳ್ತಂದು ಸೌಖ್ಯಾಕರರೂಪಂ ಮಜ್ಜನಂಮಾಡುತೆ ಭಸಿತಲಲಾಟಂ ಸರುದ್ರಾಕ್ಷ ಕಂಠಂಸ್ಥಿರಚಿತ್ತಂ ಲಿಂಗಪೂಜಾವಿರಚನಪರಿತುಷ್ಟಂ ಪ್ರಸಾದಪ್ರಮೋದಂಸ್ಮರಬಾಣವ್ರಾತಮಂ ಲೆಕ್ಕಿಸದತಿಸುಖದಿಂ ಮೇನೆಯುಂ ತಾನುಮಿರ್ದರ್

ಭರದಿಂ ಬಹುಸಂತಾನಾತುರೆ ಸಾಧುಸುಶೀಲೆ ಲೀಲೆ ಮಿಕ್ಕಾದರದಿಂಗಿರಿರಾಜಂಗೆ ವಿರಾಜಿಪವರಜೀವಸಮಾನೆ ಮೇನೆ ನಯದಿಂ ನುಡಿದಳ್

ಮೊಲೆಯುಣುತಳ್ಕಱಿಂ ನಗುವ ನಿಂದಿರುತಪ್ಪುವ ಪೊಂಗಿ ಹಿಗ್ಗುತಂಮಲೆವ ಮರಳ್ವ ಕಣ್ಗಳನಲರ್ಚುವ ಮುಚ್ಚುವ ನೋಡುತಾಡುತಂನಲಿನಲಿದುರ್ಬುತಂ ತೊಲೆಯುತಿಂತೊಲೆವಳ್ತಿಯ ಮುದ್ದಿನೊಪ್ಪದೊಳ್ನೆಲಸಿದ ಪುತ್ರಿಯಂ ಬಯಸುತಿರ್ದಪುದೆನ್ನಮನಂ ಮನಃಪ್ರಿಯಾ

ಉಗ್ರತಪದಿಂದೆಯತುಳಸಮಗ್ರೆಯನಭವಂಗೆ ವಧುವೆನಿಪ್ಪಳನಾನವ್ಯಗ್ರದೆ ಪಡೆವೆಂ ಕುಧರಪ್ರಾಗ್ರನೆ ಕಳಿಪೆಂದು ಮೇನೆ ನುಡಿವವಸರದೊಳ್

ಗಿರಿರಾಜನೊಡಂಬಟ್ಟಾದರದಿಂದಂ ಪುಳಕಿಸುತ್ತೆ ಪುಟವೇಳುತ್ತುಂಪರಿಚಾರ ಪಟುಗಳೆನಿಸುವತರುಣಿಯರಂ ಕೂಡಿಕೊಟ್ಟು ಸಂತಸದಿಂದಂ

ವರಪುತ್ರೀ ಸ್ಥಿರಭಾವಕಾಮ್ಯವಿಲಸತ್‌ಸನ್ಮಾನ್ಯೆಯಂ ಯಾನೆಯಂತರುಣೀ ಕುಂತಳಮಲ್ಲಿಕಾ ಮಧುಕರೀ ಸಂತಾನೆಯಂ ಜ್ಞಾನೆಯಂಪರಮಾನಂದ ತಪೋಭರೋತ್ಥಿತ ಮನಃ ಪ್ರಾಧೀನೆಯಂ ಸ್ಥಾನೆಯಂಗಿರಿರಾಜಂ ಕಳಿಪುತ್ತುಮಿರ್ದನತಿಯೋಗಧ್ಯಾನೆಯಂ ಮೇನೆಯಂ

ಕಳಿಪೆ ನಡೆತಂದು ರಮ್ಯಸ್ಥಳದೊಳ್ ನಿಂದೇಕಪಾದದಿಂದಂ ಮೇನಾಲಳನೆ ಮಹಾದೇವಿಯ ನಿರ್ಮಳರೂಪಂ ಹೃದಯಕಮಲದೊಳ್ ತಳೆದಿರ್ದಳ್

ಮುಗಿದುವು ನಯನಸರೋಜಂಮಿಗೆಯಲರ್ದುದು ಚಿತ್ತಕೈರವಂ ಮಿಕ್ಕೇಱಿತ್ತು ಗಭೀರ ತಪೋವಾರಿಧಿಬಗೆಯೊಳಗಾ ಧ್ಯಾನ ಚಂದ್ರನುದಯಿಸುವಾಗಳ್

ತ್ರಿಣಯನ ವಿರಹಿತಯಾಗಕ್ಕಣಿಯರದಿಂ ಪೋಗಿ ಮುಂದೆ ನಿಲೆ ದಕ್ಷಂ ನಿರ್ಗುಣನಂ ನಿಂದಿಸೆ ದಾಕ್ಷಾಯಣಿ ಕೇಳದೆ ವಿಮಳಯೋಗದಿಂ ನಡೆತಂದಳ್

ಸುರತರುವಿಂ ಬೀಜಂ ದಿವ್ಯರತ್ನದಿಂ ಕಾಂತಿ ಪೂರ್ಣಶಶಿಯಿಂ ಕಿರಣಂವರಸುಧೆಯಿಂ ಮಧುರತೆ ಬಂಧುರಕುಸುಮದೆ ಕಂಪು ಬರ್ಪತೆರದಿಂ ಬಂದಳ್

ಬಂದು ನಿಜ ತಪದ ಮೇನೆಯನಂದೀಕ್ಷಿಸಿ ಶಾಂತ ರವಿನಿಕಾಯ ಮರೀಚೀವೃಂದನಿಭಕಮಳ ವಿಮಳಾನಂದವಿಕಾಶಪ್ರಕಾಶನಿಧಿ ನಿಂದಿರ್ದಳ್

ಉತ್ಕಟ ತಪೋನಿಷ್ಠೆಗೆಸತ್ಕರುಣಮನಾಂತು ನಿನ್ನ ಬಸಿಱೊಳ್ ಬರ್ಪೆಂಸತ್ಕುಲಜೆಯೆನುತೆ ಮೇನೆಯಹೃತ್ಕಮಲದ ಬೆಳಗಿನೊಳಗೆ ಬೆಳಗಾಗಿರ್ದಳ್

ಇರೆ ಮೇನೆಯಱಿದು ಹರ್ಷದಶರನಿಧಿಯೊಳ್ ಪೊಕ್ಕು ಲೀಲೆ ಮಿಕ್ಕೋಲಾಡುತ್ತರಲುತ್ತೀಸಾಡುತ್ತುಂಪೊರೆಯೇಱುತೆ ಜಪದ ವಿಪುಳೆ ತಪಮಂ ಬಿಟ್ಟಳ್

ನಡೆತಂದಳ್ ಗಿರಿರಾಜವಲ್ಲಭೆ ಭವಾನೀ ಪ್ರೇಮದಿಂ ರಾಗದಿಂಬಿಡದುದ್ಯತ್‌ ಕಲಶಪ್ರಬದ್ಧಲಲನಾ ಸಂತಾನದಿಂ ಗಾನದಿಂಕಡುಪಿಂ ಪೊಣ್ಮುವ ವಾದ್ಯ ವಿಪ್ರವದನ ಪ್ರೋನ್ನಾದದಿಂ ವೇದದಿಂಗುಡಿಗುಟ್ಟುತ್ತಿದಿರ್ಗೊಳ್ವ ಪೌರಜನತಾ ಸಂತೋಷದಿಂ ಘೋಷದಿಂ

ಬಂದಗರಾಜ ರಾಜಗೃಹಮಂ ಪುಗುತುಂ ಪರಮ ಪ್ರದೀಪೆ ಸಾನಂದೆ ಸರೋಜನೇತ್ರೆವರವಕ್ತ್ರೆ ಮನೋಹರೆ ಮಾನ್ಯೆಮೇನೆ ಸಾರ್ತಂದು ನಿಜೇಶನುಂ ಪ್ರಿಯದೊಳಪ್ಪಿ ಮನೋರಥ ಸಿದ್ಧಿಯಾದುದಂನಿಂದುಸಿರ್ದಂತರಂಗ ಬಹಿರಂಗ ಸುಖಾನ್ವಿತೆಯಾಗುತೊಪ್ಪಿದಳ್

ಮುಂದಾ ಸ್ತ್ರೀರತ್ನಮನೊಲವಿಂದಂ ಪಡೆದಪ್ಪೆನೆಂಬುದಂ ಸೂಚಿಸುವಂತೊಂದೆರಡು ದಿನದೊಳತ್ಯಾನಂದನೆ ಕಡುಜಾಣೆ ಮಾಣಿಕಂಗಂಡಿರ್ದಳ್

ಎಸೆವ ಬಳಲ್ಮೊಗಮುಷ್ಣಮನುಸಿರ್ವುಸಿರನುರಾಗವೇಱುವಕ್ಷಿದ್ವಿತಯಂಪೊಸಕಂಪನುಗುಳ್ವ ಕಕ್ಷಂನಸು ಕರಗುವ ತನು ಮನೋಹರಂ ಮಾನಿನಿಯಾ

ಸೆಡೆವ ನಡೆ ತೊಡೆಯ ತಡೆಗಾಲ್ನಡುವಿಂಗತಿಗಾಢದುಡಿಗೆ ಬಡತನು ಸೊಂಕಿಂಗೆಡೆಗುಡದ ಮನಂ ಮಾತಂಮಡಗುವ ಪರಿ ಸೊಗಯಿಸಿತ್ತು ಪಂಕಜಮುಖಿಯೊಳ್

ಮಾನಿನಿಯಾತೆಱದಿಂ ಸಂದಾ ನಾಲ್ಕುಂದಿವಸಮಿರ್ದು ಬಳಿಯಿಂ ಶುದ್ಧಸ್ನಾನಾಂಗೀಕೃತವಿಮಳಶ್ರೀನಿಧಿ ಮೇನಾ ಲತಾಂಗಿ ಕಣ್ಗೆಸೆದಿರ್ದಳ್

ಬೆಳಗಿದ ಮಣಿ ಮುಕುರದವೋಲ್ಜಳದಂಗಳಗಲ್ದ ಚಂದ್ರಕಳೆವೋಲ್ ಪುಟವಿಟ್ಟವಟ್ಟ ಮಿಸುನಿವೋಲ್ ಮಂಗಳ ನಿರ್ಮಳ ರುಚಿರರೂಪೆಯೊಪ್ಪುತ್ತಿರ್ದಳ್

ಸುಲಿಪಲ್‌ ಬಿಂಬಾಧರಂ ರಾಜಿಪ ನಯನಯುಗಂ ಚಂಪಕಾಮೋದಿತಂ ನಿರ್ಮಲವಕ್ತ್ರಂ ಶ್ರೀಲಲಾಮಂ ಸುರುಚಿರವರ ವಕ್ಷೋಜಯುಕ್ತಾಂಗರಾಗಂವಿಲಸತ್‌ ಕಕ್ಷಾಂತದೊಳ್ ಪೂಸಿದ ಮೃಗಮದಮುದ್ಯದ್ದುಕೂಲಂ ಪ್ರಸೂನೋಜ್ವಲಧಮ್ಮಿಲ್ಲಂ ಸರಾಗಂ ಮೆಱೆಯೆ ನಿಜಪತಿಧ್ಯಾನದೊಳ್ ಮೇನೆಯಿರ್ದಳ್

ಇರೆ ಕುಸುಮಮಾಲೆಯಲ್ಲಿಗೆವರಮಧುಕರನೆಯ್ದೆ ಬರ್ಪತೆಱದಿಂ ಬಂದಂಗಿರಿರಾಜಂ ಸ್ಮರರಾಗಾತುರಭರಭರಿತಂ ರತಾರ್ಥಿಮೂರ್ತಿ ವಿಳಾಸಂ

ಲವಲವಿಸುವ ನೋಟಂ ಕೆತ್ತುವ ತೋಳ್ ಕಂಪಿಸುವ ಹಸ್ತಮೊಗೆವ ಬೆಮರ್ ಪೊಣ್ಮುವ ಪುಳಕಮುಣ್ಮುವಶ್ರುಗ-ಳವತರಿಸುವ ಗದ್ಗದಂ ಮನೋಹರಮಾಗಳ್

ಬರೆತೆಗೆದಪ್ಪಿಯಪ್ಪಿ ಮುದದಿಂ ಮೊಗದೊಳ್ ಮೊಗಮಿಕ್ಕಿಯಿಕ್ಕಿ ಸುಯ್ಯೆರಲೆಡೆಯಾಡೆ ಜಿಹ್ವೆ ನಲಿದಾಡೆ ಸುಖಂ ಸುಳಿದಾಡೆ ಲೀಲೆ ಮೋಹರಿಸೆ ಗಳಂ ಚಮತ್ಕರಿಸೆ ಗದ್ಗದಮಾಂತಿರೆ ಕಂಪನಂ ಕೊನರ್ತಿರೆ ಪುಳಕಂಗಳೆಳ್ದಿರೆ ಪರಸ್ಪರಮಾರ್ತದೊಳೊಲ್ದು ಕೂಡಿದರ್

ಪ್ರಿಯದಿಂದ ಮನಂ ಮನದೊಳ್ನಯನಂ ನಯನಂಗಳೊಳ್ ಮುಖಂ ಮುಖದೊಳಗಾಸುಯಿ ಸುಯ್ಯೊಳ್ ಕೆಯ್ ಕೆಯ್ಯೊಳ್ಮೆಯಿ ಮೆಯ್ಯೊಳ್ ಬೆರಸೆ ಬೆರಸಿದ‌ರ್ ದಂಪತಿಗಳ್

ಅರಲುತಿರೆ ನಯನ ಕುಮುದಂಪೊಱೆಯೇರುತ್ತಿರೆ ತನುಪ್ರಭಾ ಕೌಮುದಿ ಕಾಮರಸಾಬ್ಧಿ ಮಿಕ್ಕುಮೀಱುತ್ತಿರೆ ನೆರೆದರ್ ಭರಿತ ಸುರತ ಚಂದ್ರೋದಯದೊಳ್

ಸುರತಸುಖಂ ತವಿಲಱಿಯದೆಭರದಿಂದಮರ್ದಪ್ಪಿದಪ್ಪು ಸಡಿಲದೆ ತಮ್ಮೊಳ್ಬೆರಸಿದ ಸುಯ್ ಬಿರ್ಚದೆ ಬೇರ್ವರಿದ ಮನಂ ಬೇಱೆ ಪರಿಯದಿರೆ ನೆರೆದಿರ್ದರ್

ತಿಳಿದು ಸುರತಾಂತದೊಳ್ ಕಣ್ಗೊಳಿಸುವ ಗಿರಿಪತಿಯುಮೆಸೆವಮೇನಾಸತಿಯುಂಕಳೆಯೋಡಿದಿಂದು ಬೆಳ್ದಿಂಗಳನಾಂತ ಚಕೋರಿಯೆಂಬಿನಂ ಮೆಱೆದಿರ್ದರ್

ಪದೆಪಿಂ ಮೇನೆಯ ಹೃತ್ಕಮಲದ ಬೆಳಗಿಳಿತಂದು ಮಿಕ್ಕ ಶಕ್ತಿಸುಖದ ಸಂಗದೊಳೊಂದಿ ಬಳೆಯುತ್ತಿರ್ದುದುಸದಮಳರೂಪಿ ಭವಾನಿಯುಜ್ವಳ ತೇಜಂ

ತೊಳಪ ಸರೋಜಗರ್ಭದೊಳಗೊಪ್ಪುವ ಬಾಲಮರಾಳ ಪಿಂಡದಂತಳವಡೆ ಶಾರದಾಭ್ರದೊಳಗಿರ್ಪಲಸಚ್ಛಶಿಲೇಖೆಯಂತೆಯುಜ್ವಳಿಸುವ ಬೀಜದೊಳ್ ಪೊಳೆವ ಪುಣ್ಯಸುಧಾಲತೆಯಂತೆ ನಾಡೆ ಕಣ್ಗೊಳಿಸಿತು ಪುಣ್ಯಗರ್ಭಮತಿಶೈವ ಸುಖೋದರದಲ್ಲಿ ಮೇನೆಯಾ

ಒಂದೆರಡು ಮೂಱು ನಾಲ್ಕಯ್ದೆಂದಾಱೇಳೆಂಬ ಮಾಸಮಾಗಿರೆ ಗರ್ಭಂಚಂದಂಬಡೆದೊಳಗೆಸೆದಾನಂದದೆ ಬಳೆಯಿತ್ತಗಣ್ಯ ಪುಣ್ಯೋದರದೊಳ್

ಅಱಿವಿನ ಕಣಿ ಮುಕ್ತಿಯ ಮಣಿಹೆಱೆಸೂಡಿದನಚ್ಚ ಸೊಗದ ಮೊಳೆ ಬೆಳೆಯುತ್ತುಂತೆಱಪುಗೊಳ್ಳುತ್ತಿರೆ ಮೇನೆಯಹೊಱಗೊಗೆದುದು ಗರ್ಭಸೂಚನಾ ಸೌಂದರ್ಯಂ

ತಿವಳಿಯವಿಳತ್ತಮಾದುವುನವನಾಭಿ ನಿವಾರಿಸಿತ್ತು ಗುಣ್ಪಂ ಕುಚವಾಂತುವು ಕುಡಿಗರ್ಪಂ ನೋಟಂತವೆ ತಳೆದುವು ನಸು ಬಳಲ್ಕೆಯಂ ಮೇನಕೆಯಾ

ನಡೆ ನಾಡೆ ಮಾಂದ್ಯದೊಳ್ ಪುಗೆಮುಡಿ ಮೂಡೆ ಕವಲ್ತು ಕದಪು ಕಾಂತಿಯನುಗೆ ಮೆಲ್ನುಡಿ ನೀಡೆ ಮೃದುಮಧುರಮಂನಡು ನೀಡಂ ಪೊಂಗೆ ಮೇನೆಗೆಸೆದುದು ಗರ್ಭಂ

ಮಿಗೆ ಬಾಸೆ ಬಣ್ಣವೇಱಿತುಸೊಗಯಿಸಿದುದು ಮೊಗರಸಂ ತುಳುಂಕಾಡುತೆ ಮೆಲ್ನಗೆ ಸೂಸಿತ್ತು ಬಳಲ್ಕೆಯನೊಗೆದುವು ನವನವ ಮನೋರಥಂ ಮೇನಕೆಯಾ

ಮುಡಿಯ ಭರಕ್ಕುರೋಜದ ಭರಕ್ಕೆ ನಿತಂಬಭರಕ್ಕೆ ನಾಡೆ ಮೆಲ್ಲಡಿಯಿಡಲೆತ್ತಲಾಱದಿವೆ ಮತ್ತಮದಲ್ಲದೆ ಪುಣ್ಯಗರ್ಭದಿಂಕಡುಪಿರಿದಾದ ಭಾರದೊಳದೆಂತಡಿಯಿಟ್ಟಪಳೆಂತು ನಿಂದಪಳ್ನುಡಿದಪಳೆಂತು ನೋಡುವಳದೆಂತು ಗಿರೀಶ್ವರ ನೋಡು ಮೇನೆಯಂ

ಆದುದು ನವಮಾಸಂ ಪುಣ್ಯೋದರದೊಳ್ ಪಕ್ವಸಮಯಮಲರ್ದುದು ಸುಪಥಂವೇದಿಸಿದುದು ಸುಮುಹೂರ್ತಂಕಾದಿರ್ದುವು ಭರದೊಳೆಮಗೆ ತಮಗೆನುತಾಗಳ್

ಅಲರ್ದ ಸರೋಜದಿಂದಮೊಗೆತರ್ಪ ಲಸತ್ಕಳ ಹಂಸಿಯಂತೆ ನಿರ್ಮಲತರ ಮೇರುವಿಂದೆ ಪೊಱಪೊಣ್ಮುವ ತನ್ಮಣಿಮಾಲೆಯಂತೆ ನಿಶ್ಚಲ ಪುರುಹೂತ ದಿಙ್ಮುಖದಿನೇಳ್ತರುತಿರ್ಪ ಮೃಗಾಂಕ ಬಿಂಬದಂತಳವಡೆ ಗೌರಿ ಗರ್ಭದೊಳಗಿಂ ಬರುತೊಪ್ಪಿದಳಂದು ಮೇನೆಯಾ

ಇಂದಿರೆ ಬಂದಿರೆ ಕೆಲದೊಳ್ನಿಂದಿರೆಯನಸೂಯೆ ಸಪ್ತಮಾತೃಕೆಯರ್ ತಾವೊಂದಿರೆ ರೋಹಿಣಿ ತಣ್ಪಂತಂದಿರೆ ಗಿರಿಜಾತೆಯೋತು ಪೊಱಮಡುತಿರ್ದಳ್

ತೆರೆ ಮಸಗೆ ಕಾಂತಿ ನಾಭೀಸರೋಜಮಲ್ಲಾಡೆ ಜೀವಹಂಸಿ ಬೆದಱೆ ಬಂಧುರ ಕುಚ ಚಕ್ರಂ ನಡುಗುತ್ತಿರೆ ಮೇನೆಯ ಗರ್ಭಸರಸಿಯಂ ಪೊಱಮಟ್ಟಳ್

ರತಿ ನೆಲನುಗ್ಗಡಿಸೆಯರುಂಧತಿ ಕೆಯ್ಗುಡೆ ಸುಖಮನೆಯ್ದೆ ಸಾವಿತ್ರಿ ಸರಸ್ವತಿ ಪೊಗಳೆ ಶಚಿ ನಲಿಯೆ ಪಾರ್ವತಿ ಮೇನೆಯ ಗರ್ಭನಿಳಯದಿಂ ಪೊಱಮಟ್ಟಳ್

ಇಳೆಯೊಳ್ ಪಾರ್ವತಿಯುದಯಿಸೆಕಳೆಯೇಱಿದನಿಂದು ಜೊನ್ನಮಲರ್ದುದು ಕಾಮಂತಳೆದಂ ನಿಜಭುಜ ಬಲಮಂಪುಳಕಿತಮಾಯ್ತಿಂದುಧರನ ವರವಾಮಾಂಗಂ

ಮದನನ ಕರ್ವುವಿಲ್ಗೆ ಮದವೇಱೆ ವಸಂತನ ಸರ್ವಭಾಗ್ಯ ಸಂಪದ ದಳವೇಱೆ ಲೋಕನಯನೋತ್ಪಳರಾಜಿ ವಿಕಾಸವೇಱೆ ಪರ್ಚೊದವಿದ ಮೇನೆ ತತ್ಪತಿಗಳುತ್ಸವವಾರಿಧಿಯೇಱೆ ಗೌರಿ ತಾನುದಯಿಸಿದಳ್ ಸುಧಾಂಶುಕಳೆ ಪಶ್ಚಿಮಭಾಗದೆ ಪುಟ್ಟಿದಂದದಿಂ

ಜಡೆಮುಡಿ ಇಂದು ಬಾಹು ಬಳೆ ಭಾಳವಿಲೋಚನಮಕ್ಷಮಾಲೆಯೊಳ್ಳುಡೆ ನವಕಾಂತಿ ಹಸ್ತಕಟಕಂ ಮೆಱೆಯುತ್ತಿರೆ ಪುಣ್ಯದಂತೆ ಕಂಪಿಡಿದ ಸುರದ್ರುಮ ಪ್ರಸವದಂತೆ ಪರಾಪರಮುಕ್ತಿಯಂತೆ ಸಂಗಡಿಸಿದ ಕಾಮಧೇನುವಿನವೋಲ್ ಗಿರಿರಾಜತನೂಜೆಯೊಪ್ಪಿದಳ್

ಶಿವಲಿಂಗೇಕ್ಷಣ ಲೋಲುಪೆಶಿವಪ್ರಸಾದಾತ್ತಚಿತ್ತೆ ಶಿವಭಕ್ತಿ ಶಿವೋತ್ಸವೆ ಶಿವಪುಣ್ಯಾಂಭೋನಿಧಿಶಿವನಂ ನೆಱೆನೆಚ್ಚಿ ಮಚ್ಚಿ ಕಣ್ಮುಚ್ಚಿರ್ದಳ್

ಇರೆ ಮೇನಾ ಮಾನಿನಿಯುಂಗಿರಿರಾಜನುಮಱಿಯದಂಜಿ ಗುರುಶೈವಾಚಾರ್ಯರನಂದು ಕೇಳೆ ಶಿವ ಶಿವಪರಮಶಿವಜ್ಞಾನದಿಂದಮವರಿಂತೆಂದ‌ರ್

ಅನುನಯದಿಂದೆ ಮುನ್ನಮವನೀತಳದೊಳ್ ಮಿಗೆ ಬಾಣನೆಂಬವಂಜನಿಯಿಸಿ ಕಣ್ಗಳಂ ತೆಱೆಯದಿರ್ದೊಡೆ ಲಿಂಗಮನಂದು ತೋಱೆ ಭೋಂಕನೆ ನಯನಂಗಳಂ ತೆಱೆದು ಕಂಡೊಲವಿಂ ಮೊಲೆಯುಂಡನಂತೆ ಸಜ್ಜನೆ ಗಿರಿಜಾತೆ ಕಣ್ದೆಱೆಯದಿರ್ಪುದು ತಪ್ಪದಿದುತ್ತರೋತ್ತರಂ

ಎನೆ ಗಿರಿರಾಜಂ ದೇವಾರ್ಚನಾ ನಿಕೇತನಕೆ ಬಂದು ಶಶಿ ರವಿ ಶಿಖಿ ಲೋಚನ ಶಿವಲಿಂಗಮನುತ್ಸವಜನಿತಮನಂ ತಂದು ಮುಂದೆ ನಿಂದೊಲವಿಂದಂ

ಅಮಮ ಪಯೋವಾರ್ಧಿಗೆ ಚಂದ್ರಮನಂ ಪುಣ್ಯಕ್ಕೆ ಮುಕ್ತಿಯಂ ತೋರ್ಪಂತಾವಿಮಳೆಗೆ ಗಿರಿಜೆಗೆ ಶಿವಲಿಂಗಮನಧಿಕ ಮನಃಪ್ರಮೋದದಿಂ ತೋಱುವುದುಂ

ತೋಱಲೊಡಂ ಕಣ್ದೆಱೆದಳ್ಪೇಱಿದಳೆರಡುಂ ಕರಂಗಳಂ ನೊಸಲೊಳ್ ಸೊಂಪೇಱಿದಳಭವನೊಳಗೆ ಬೇರೂಱಿದಳಂಕುರಿಸಿ ಪಲ್ಲವಿಸಿ ಫಲವಾದಳ್

ಆ ಕೆಯ್ಯೊಳ್ ಮೊಲೆಯುಂಡಳ್ಸಾಕಾರೆ ಶಿವಪ್ರಸಾದ ನವನೀತಮುಮಂಕೆಯ್ಕೊಂಡ‌ಳ್ ಗಿರಿಜಾವಧುಲೋಕೈಕಾರಾಧ್ಯೆ ಮೇನೆಯೊಡನೊಪ್ಪಿರ್ದಳ್

ಮೂಡಿದ ಶೀತದೀಧಿತಿಗೆ ಕಾಲಪಿತಂ ಪ್ರಸವೋತ್ಸವಂಗಳಂಮಾಡುವ ಮಾಳ್ಕೆಯಿಂದಮರಭೂರುಹದಿಂ ನೆಗೆದಂಕುರಕ್ಕೆ ಕೊಂಡಾಡಿ ವಸಂತಕಂ ಜನನ ಕರ್ಮವನೊಪ್ಪಿರೆ ಮಾಡುವಂದದಿಂಮಾಡಿದನಳ್ಕಱಿಂದೆ ಗಿರಿರಾಜನ ಜಾತೆಗೆ ಜಾತಕರ್ಮಮಂ

ಬೆಳಗುವ ನಯನದ್ಯುತಿಯಿಂಬೆಳಗುವ ಗಂಡಸ್ಥಳಂಗಳಿಂ ಬೆಳಗುವ ಕೋಮಳ ತನುರುಚಿಯಿಂದಂ ತೊಳತೊಳಗುತೆ ನಳನಳಿಸಿ ಪೊಳೆಯುತಂಬಿಕೆ ಎಸೆದ‌ಳ್

ಮಂಗಳಮುಖಿ ಮಾನಿನಿ ಶಿವಲಿಂಗದ ಸುಖಲತೆ ಸಮಸ್ತ ಲಕ್ಷಣಯುತೆ ತಾನಂಗೆಯ್ಯ ಪದ್ಮದಿಂ ಚರಣಂಗಳ ಪದ್ಯಂಗಳಿಂದೆ ಗಿರಿಸುತೆಯೆಸೆದಳ್

ಜಯ ಜಯ ಜಯ ಜಯತು ಶುಭೋದಯೆ ವರನಿಧಿ ಮಾಯೆ ದೇವಿ ಶರ್ವಾಣಿ ಶಿವಪ್ರಿಯೆ ಶಾಶ್ವತೆ ಶಾಂತೆ ಜಗತ್ತ್ರಯಹಿತೆ ಶರಣೆನುತುಮಿರ್ದುದಬಳಾಲೋಕಂ

ವರ ಶಂಖರವಂ ಕಹಳೆಗಳ ರವಂ ಡಿಂಡಿಮ ರವಂಗಳಾನಕದ ರವಂಕರಡೆಗಳ ರವಂ ನಿಸ್ಸಾಳರವಂ ಭೇರೀರವಂ ಮೃದಂಗರವಂಗಳ್

ಎಳನನೆಗಳ ಮೆಲ್ಸರಿ ನನೆಗಳ బಲ್ಸರಿ ಮುಗುಳ ತಂದಲಾ ಮೊಗ್ಗೆಯ ಪೆರ್ಮಳೆಯಲರ್ಗಳ ಬಿಱುಮಳೆ ಎಸಳ್ಗಳ ಸೋನೆ ಪರಾಗ ಪರಿಮಳದ ತುಂತುಱುಗಳ್

ಇಳೆಗತಿಶೀತಳಂ ಮಿಗೆ ಗಿರೀಶ್ವರನುತ್ಸವದಿಂದೆ ತುಪ್ಪದೋಕುಳಿ ನವದುಗ್ಧದೋಕುಳಿ ಹಿಮವ್ರಜದೋಕುಳಿ ಜೇನತುಪ್ಪದೋಕುಳಿ ದಧಿಯೋಕುಳಿ ಪ್ರಸವದೋಕುಳಿ ಕತ್ತುರಿ ಚಂದನಂಗಳೋಕುಳಿ ಪನಿನೀರ್ಗಳೋಕುಳಿಯನಾಡಿದನುಬ್ಬಿದನೊಕ್ಕಿಲಿದಕ್ಕಿದಂ

ಆದರದಿಂ ಗೋದಾನಂಸ್ತ್ರೀದಾನಂ ವಸ್ತ್ರದಾನಮಿಭಕುಲದಾನಂಭೂದಾನಂ ಧನದಾನಂಶ್ರೀದಾನಂಗುಡುತುಮೊಪ್ಪಿದಂ ಗಿರಿರಾಜಂ

ಗುಡಿಕಟ್ಟಿತು ನೆಱೆ ಪುರದೊಳ್ಮಡುಗಟ್ಟಿತ್ತಚಳ ನಾಥ ಸಂತೋಷರಸಂಕುಡಿಯಿಟ್ಟುದು ಧೀಂಕಿಟ್ಟುದುಗಡಿಗೆಟ್ಟುದು ಪುಣ್ಯಕೀರ್ತಿಲತೆ ಧಾರಿಣಿಯೊಳ್

ತೊಗಲದ ಪುಣ್ಯವಾರಿಧಿಗಗಣ್ಯ ಮರೀಚಿಗೆ ಲೀಲೆಯಿಂದೆ ಬಂದಿಳೆಯೊಳೆ ಪುಟ್ಟಿದಪ್ರತಿಮೆಗಾನತಲೋಕೆಗೆ ಶರ್ವನಾಮೆಗುಜ್ಜ್ವಳಿಪ ನಿಜಕ್ಕೆ ನಾಮಕರಣಂ ಗಿರಿಜಾತೆಯೆನಿಪ್ಪುದಾಗೆ ತೊಟ್ಟಿಲೊಳಿಡುತಿರ್ದರೊಪ್ಪುವ ಸುವಾಸಿನಿಯರ್ ಮನದುತ್ಸವಂಗಳಿಂ

ದಿಟದಿಂ ಜಗಕ್ಕೆ ತನ್ನುಂಗುಟಮೇ ತಾಯ್ದೊಟ್ಟಿಲಾದ ಗಿರಿಸುತೆಯನತಿಸ್ಫುಟಮಣಿಗಣಪ್ರಭಾಸಂಪುಟಮೆನಿಸುವ ರನ್ನದೊಟ್ಟಿಲೊಳಗಿರಿಸುತ್ತುಂ

ರಾಗಂ ಮಿಗೆ ಸಪ್ತರ್ಷಿಸ್ತ್ರೀಗಣಮೊಲವಿಂದೆ ಲಳಿತೆ ಬಂಗಾಳಂ ಶ್ರೀರಾಗಂಗಳೊಗೆಯೆ ಪಾಡುತೆತೂಗಿದರಖಿಳ ಪ್ರಪಂಚವಾಡಿಪ ಶಿಶುವಂ

ಜೋ ಸಕಳ ತತ್ತ್ವಮಯೆ ಜೋಜೋ ಸತ್ತ್ವಾದಿ ಗುಣರಹಿತೆ ಜೋ ನಿರ್ಮಳೆ ಜೋಜೋ ಸದ್ಗುಣೆ ಜೋ ಶಾಶ್ವತೆಜೋ ಸಂಪದೆ ಜೋ ವಿಶಾಲೆ ಜೋ ಶಿವೆ ಜೋಜೋ

ಜೋಜೋ ಶಂಕರನರ್ಧಮಂ ಕವರ್ದುಕೊಳ್ವತ್ಯಂತರೂಪಾನ್ವಿತೇಜೋಜೋ ಸರ್ವಜಗಚ್ಛಿಶುಪ್ರಕರಮಂ ರಕ್ಷಿಪ್ಪ ಮಾತಾಮಹೇಜೋಜೋ ಶೈವಸಮುದ್ರವರ್ಧನಕರ ಪ್ರಖ್ಯಾತ ಚಂದ್ರಾನನೇಜೋಜೋ ರಕ್ಷಿಸೆನುತ್ತೆ ತೂಗಿ ನಲಿದರ್ ಶರ್ವಾಣಿಯಂ ಜಾಣೆಯರ್

ಸರಸಿಜ ಕುಟ್ಮಳಮಲರ್ವಂತಿರೆ ಕರುಣಾನಿಳಯ ಮೃದು ಕವಾಟಂದೆಗೆವಂತಿರೆ ನಗೆ ಮೊಗಮಂ ಸವಿವಂತಿರೆ ಗಿರಿಸುತೆ ಕಲ್ತಳಮರ್ದಿನಗೆಯಂ ನಗೆಯಂ

ಘನರಜತಗಿರಿಯ ಸಿಂಹಾಸನದೊಳ್ ನಲಿದಿರ್ಪ ಪರಿಯನಭವನ ತೊಡೆಯೊಳ್ಮನದೊಲವಿಂ ಕುಳ್ಳಿರ್ಪುದನನುಕರಿಸುವ ತೆಱದೊಳಗಜೆ ಕುಳ್ಳಿರೆ ಕಲ್ತಳ್

ತ್ರ್ಯಂಬಕನಂ ಬಲವರಲೆರಡೆಂಬೀ ಪದವೆಯ್ದವೆಂದು ನಾಲ್ಕುಂ ಕಾಲಿಂದಂ ಬಲವಂದಪಳೆಂಬಂತಂಬಿಕೆಯಂಬಳಿಕಿಯಾಡುವಳ್ ಶೈಶವದೊಳ್

ಬೇರ್ಪಡದೆ ಕೂಡೆ ತಾನೆಯಡರ್ಪಖಿಳಕ್ಕೆಂಬ ನೈಜಮಂ ಮೆಱೆಯಿಸುತಂದಾರ್ಪಿಂ ಭಿತ್ತಿಗಳಂ ನೆಮ್ಮಿರ್ಪಳ್ ನಿಂದಗಜೆ ಬಾಲ್ಯಮಂ ನಟಿಯಿಸುತುಂ

ಅಡಿಗಳ ಕೋಮಲತೆಗೆ ಧರೆಬಿಡಲಾಱದೆ ಪೊಡಮಡುತ್ತೆ ಬಿಡದಿರೆ ನಯದಿಂಬಿಡಿಸಿಕೊಳುತ್ತುಂ ಮೆಲ್ಲನೆನಡೆದಪಳೆನೆ ಮೆಱೆದುವಗಜೆಯೊಳ್ ದಟ್ಟಡಿಗಳ್

ಒಡನೆಯ ಸತಿಯರ್ ನೆಲನುಗ್ಗಡಿಸೆ ಧರಾಕಾಂತೆ ಮೆಲ್ಲಡಿಗೆ ಮದುವಾಗುತ್ತೆಡೆಗುಡುತುಂ ಪುಳಕಿಸುತಿರೆನಡೆಗಲ್ತಳ್ ಗಿರಿಜೆ ಪರಮನರಮನೆಯತ್ತಲ್

ರಸನೆಯ ಸುಧೆಯಂ ಮಿಗೆ ಸವಿದುಸವಿದು ಮಗ್ನತೆಯನೆಯ್ದಿ ಮಧುರಾಕ್ಷರಮುಬ್ಬಸದಿಂ ಪೊರಳುತ್ತುರುಳುತ್ತೊಸರ್ದಪುದೆನೆ ಗಿರಿಜೆಯೊಳ್ ತೊದಳ್ನುಡಿಯೆಸೆಗುಂ

ಮನದೊಳಗೆ ಪುಟ್ಟಿ ಕಂಠದೊಳನುನಯದಿಂ ಬಳೆದು ಜಿಹ್ವೆಯೊಳ್ ದಟ್ಟಡಿಯಿಟ್ಟಿನಸುಂ ಸುಳಿಗೊಳುತುಂ ಗಿರಿತನಯಳ ಮುಖದೊಳ್ ತೊದಳ್ನುಡಿಗಳೆಸೆದಿರ್ಕುಂ

ಮಂಗಳ ಮುಖಿಯ‌ರ್ ಸಖಿಯ‌ರ್ಸಂಗಡದಿಂ ಕೊಂಡುಕೊನೆಯುತಾಡಿಸುವೆಡೆಯೊಳ್ಪಿಂಗದೆ ಭುಜಲತೆ ಶಿವನಾಲಿಂಗನಮಂ ಪೇಳೆ ಬಾಲೆ ತೋಳಾಡಿಸುವಳ್

ಉಣ್ಮೆ ಶಶಿಧರನ ಬಗೆ ಮಿಗೆಪೊಣ್ಮುವ ಪುಳಕಂಗಳಿಂದೆಯಂತಃಸ್ಥಳದೊಳೊಲ್ದಾಣ್ಮನನೀಕ್ಷಿಪ ತೆಱದಿಂಕಣ್ಮುಚ್ಚುವಳಮಳೆ ವಿಮಳ ಕಮಳಾಕೃತಿಯಿಂ

ಗಿರಿಸುತೆ ಹರನಂಘ್ರಿಯನಂತರಂಗದೊಳ್ ಮುಚ್ಚಿ ಪೊಱಗೆ ನೋಳ್ಪಾಸೆಯೊಳಾಚರಣಾರುಣೋದಯಕೆ ತಾವರೆಯಲರ್ದವೊಲಂದು ಮುಂದೆ ಕಣ್ದೆಱೆದಿರ್ದಳ್

ವರಭಾಳಾಕ್ಷದ ಮೇಲೊಂದುರುತರೆ ನಿಟಿಲಾಕ್ಷಮೊಗೆದುದೆಂಬಂತಿರೆ ಶಾಂಕರಿಗೆಸೆದುದು ಮುಂದಲೆಯೊಳಗರಳೆಲೆ ಬಹುರತ್ನ ನೂತ್ನಕಾಂತಿ ಪ್ರಕರಂ

ನೋಡಭವವಲ್ಲಭೆಯ ಕಿವಿಗೂಡಿದೆವತಿ ಸಫಲವಾದೆವೆನುತುಂ ಕುಣಿವಂತಾಡುವ ಗಿರಿಜೆಯ ಮೊಗದೊಡನಾಡುವ ಹೊನ್ನೋಲೆವಿಡಿದು ಪೊಸ ಮಾಗಾಯ್ಗಳ್

ಶಿವನಂ ಬಿಡದಪ್ಪುವ ತೋಳಿವನಪ್ಪಿ ಕೃತಾರ್ಥರಪ್ಪೆವೆಂಬಂದದೊಳಾನವರತ್ನದ ರವೆಯದ ಬಂದಿ ವಿರಾಜಿಸುತಿರ್ಪುದಪ್ಪಿಯಗಜಿಯ ತೋಳಂ

ಒದವಿರ್ದ ಸಕಲ ಲಾವಣ್ಯದ ಸಿರಿ ಕೆಯ್ಸಾರ್ದುದರ್ಕ್ಕೆ ಕಂಕಣಮಂ ಕಟ್ಟಿದವೋಲ್ ಮೆಱೆದುವು ವರ ಹಸ್ತದೊಳೆಸೆವಂಬಿಕೆಯ ಸುಕರ ಮಣಿಮಯಕಟಕಂ

ಪುರಮಥನನ ವರಕೀರ್ತ್ಯಂಕುರಮೀ ಗಿರಿಸುತೆಯ ವದನದೊಳ್‌ ಮೊಳೆತುದು ಸಾದರದಿಂ ತಾನೆಂಬಂತಿರೆಕರಮೆಸೆದುದು ವಿಮಳಮೌಕ್ತಿಕಂ ನಾಸಿಕದೊಳ್

ಅನವಧಿ ಗುಣನಿಧಿ ಪಾರ್ವತಿಜನಿಯಿಸೆ ತಾನಱಿದು ಬಂದು ಚಂದ್ರಾಭರಣಂಮನಮೊಸೆದು ತಾಳಿಗಟ್ಟಿದನೆನೆ ಮೆಱೆದುದು ಕೊರಲೊಳೇಕಮುಖ ರುದ್ರಾಕ್ಷಂ

ಈ ಶಶಿಮುಖಿ ದಿಟದಿಂ ವ್ಯಾಘ್ರಾಸುರ ಹರನ ನರಸಿಯೆಂಬುದರ್ಕಿದೆ ಕುಱುಪೆಂಬಾ ಸೈಪನಱಿವಂತಿರೆಬಾಸುರಮಾಯ್ತರರೆ ಪುಲಿಯುಗುರ್ ನಗಸುತೆಯಾ

ಹೆಱೆಸೂಡಿದನ ಮನವನೀತೆಱದಿಂದಂ ಸುತ್ತುವಳ್ ಭವಾನಿಯೆನಿಪ್ಪಾತೆಱನಂ ತೋಱುವ ತೆಱದಿಂಮೆಱೆವುಡಿಗೆಯ ಮೇಲೆ ಸುತ್ತಿದುಡೆವಣಿ ತೋರ್ಕುಂ

ಬಿಡೆವಿನ್ನೀ ಗಿರಿಜೆಯ ಮೆಲ್ಲಡಿಗಳನೆಂದಖಿಳ ವೇದಮುಲಿವಂತೆ ವಲಂನಡೆವೆಡೆಯೊಳಗುರ್ಬಿಂ ಬೊಬ್ಬಿಡುವಂದುಗೆ ಗೆಜ್ಜೆ ಸಜ್ಜನೆಗೆ ಸೊಗಯಿಸುಗುಂ

ತರದಿಂ ಗೆಜ್ಜೆಗಳುಲಿಯುತ್ತಿರೆ ಮಾಂಗಾಯಲುಗೆ ಮೂಡೆ ಮೆಲ್ನಗೆ ನಲವಿಂಪರಿಪರಿದು ಪೋಗಿ ಗಿರಿಸುತೆಹರಿಸಂ ಮಿಗೆ ಹರನ ನಿಳಯದೊಳ್ ನೆಲೆಸಿರ್ಪಳ್

ನಲಿವಳ್ ನಗುವಳ್ ರಾಗಿಪಳುಲಿವಳ್ ಮುದ್ದಿಸುವಳಳುವಳಪ್ಪುವಳಂತಿಂತೊಲೆವಳ್ ನಿಲ್ವಳ್ ಮೇನೆಯಮೊಲೆಯಂ ಮಱೆದಭವನಾಟದೊಳ್ ಸಂದಿರ್ಪಳ್

ಎಲ್ಲಿ ಸರೋಜಮೆಲ್ಲಿ ವಿಮಳೋತ್ಪಳಮೆಲ್ಲಿ ಲತಾನದೊಳ್ಪೆಲ್ಲಿ ವನಂಗಳೆಲ್ಲಿ ಕೃತಕಾಚಳಮೆಲ್ಲಿ ವಿಶಾಲಮಪ್ಪತಣ್ಪೆಲ್ಲಿ ತಟಾಕಮೆಲ್ಲಿ ಪುಳಿನಸ್ಥಳಮೆಲ್ಲಿ ನದೀನದಾಳಿ ತಾನಲ್ಲಿ ಭವಾನಿ ಭಕ್ತಿಮಿಗೆ ಭಾವಿಸಿ ಭರ್ಗನನೊಲ್ದು ಪೂಜಿಪಳ್

ಕಣ್ಮಲರಿಂದಶ್ರುಜಲಂಪೂಣ್ಮುತ್ತಿರೆ ತನುವಿನಲ್ಲಿ ಪುಳಕಂ ಸಾಲ್ಗೊಂಡುಣ್ಮುತ್ತಿರೆ ಗಿರಿಪತಿಸುತೆನುಣ್ಮಳಲಿಂ ದಿವ್ಯಲಿಂಗಮಂ ವಿರಚಿಸುವಳ್

ವಿರಚಿಸುವ ಲಿಂಗದೊಳ್ ಮೃದುಕರಾಂಗುಲಿಸ್ಪರ್ಶಸುಖಮನೆಳಸುತೆ ಶರ್ವಂಪರಿತಂದು ನಿಲ್ವನೆಂದೊಡೆಗಿರಿಜೆಯ ಸೌಭಾಗ್ಯದಿರವನಾರ್ ಬಣ್ಣಿಸುವ‌ರ್

ಹಿಮಕರ ಕಿರಣಾವಳಿಗಳ್ಕುಮುದದ ಸೋಂಕಿಂದೆ ಕಂಪನಪ್ಪಿದುವೆನೆ ವಿಭ್ರಮ ಮಲ್ಲಿಕಾನಿಕಾಯದೆಕಮಳಾನನೆ ವಿಮಳಲಿಂಗಮಂ ಪೂಜಿಸುವಳ್

ತರಣಿಯ ತರುಣಕಿರಣಮಂಬುರುಹಪರಿಷ್ವಂಗದಿಂದೆ ಪರಿಮಳಮಂ ಪೊತ್ತರಲ್ದಪುವೆನಿಸುವ ಸಂಪಗೆಯರಲಿಂದಂ ಗಿರಿಜೆ ಹರನನೊಲ್ದರ್ಚಿಸುವಳ್

ತರಣಿಯ ಮಧುಕರನಿಕರದಮರುತನ ಕಾಲ್ದುಳಿಯಿವೆಂದು ಪೂವಂ ಬಿಟ್ಟಾಗಿರಿಸುತೆ ಮನಃಕುಸುಮದಿಂಪರಮನನೇಕಾಂತಭೂಮಿಯೊಳ್ ಪೂಜಿಸುವಳ್

ವನರುಹನಾಳಂ ದಂಡಂವನರುಹ ನವಪತ್ರವೊಂದೆ ಪೊಸಸೂರೆ ಮತ್ತಾವನರುಹ ಸೂತ್ರಂ ತಂತ್ರಿಗಳೆನೆ ಶಿವನಂ ಜಾಣೆ ಬೀಣೆಯಂ ಕೇಳಿಸುವಳ್

ದೇವಕುಮಾರಿಬಾಲೆ ಸುಕುಮಾರಿ ಸಮರ್ಥೆಯತಿ ಸ್ವತಂತ್ರೆ ನಾನಾವಿಧ ಶೈಲರಾಜಿ ನವರಾಜಿ ಸರೋವರರಾಜಿ ಸಲ್ಲತಾಂತಾವಳಿ ಸೈಕತಾವಳಿ ಲತಾವಳಿಯೆಂಬಿವಱಲ್ಲಿ ಸಂತತಂದೇವರ ದೇವನಂ ಶಿವನನರ್ಚಿಸುತಿರ್ದಪಳೊಲ್ಲಳೇನುಮಂ

ದೇವಿಯ ಮೊಲೆವಾಲಂ ಪರಿಭಾವಿಸಳಾರಯ್ಯಳಂಜಳಳ್ಕಳ್ ವನದೊಳ್ತೀವಿರ್ದ ಗುಲ್ಮಲತೆ ವೃಕ್ಷಾವಳಿಯೊಳ್ ಲಿಂಗಪೂಜೆಯೊಳ್ ಸಂದಿರ್ಪಳ್

ಕಲ್ಲೆನ್ನಳ್ ಮುಳ್ಳೆನ್ನಳ್ಮೆಲ್ಲಿತ್ತಿದು ಬೆಟ್ಟಿತ್ತೆನ್ನಳತಿ ಭಕ್ತಿಯೊಳಂತೆಲ್ಲಿ ಸುಖಸ್ಥಳಮುಂಟಾದಲ್ಲಿ ವಿರೂಪಾಕ್ಷ ಪೂಜೆಗೀಡಾಗಿರ್ಪಳ್

ಬರೆದರೊ ಬೈತರೊ ಪೊಲ್ದರೊಪೊರೆದರೊ ಬೆಚ್ಚರೊ ಮಗುಳ್ಚಿ ಕರುವಿಟ್ಟರೊ ಕಂಡರಸಿದರೊ ಕಡೆದರೊ ಎನೆಗಿರಿರಾಜತನೂಜೆ ಪೂಜೆಯೊಳ್‌ ರಾಜಿಸುವಳ್

ಬೇಡೆಂದೊಡೆ ಮಾಣಳ್ ನಲಿದಾಡುವಳಪ್ಪುವಳಮರ್ಚುವಳ್ ಪುಳಕಿಪ್ಪಳ್ಮಾಡುವ ಲಿಂಗಾರ್ಚನೆಯೊಳ್ನೋಡಳ್ ನುಡಿಯಳ್ ಭವಾನಿಯೇನೆಂದಱಿಯಳ್

ಬಿಡದೇಳ್ವ ಪುಳಕತತಿಯೊಡನೊಡನಾನಂದಾಶ್ರುವೊಗೆಯೆ ಬಗೆವೆರ್ಚುತ್ತಿರ್ಮಡಿ ಮೂವಡಿ ನಾಲ್ವಡಿಯಯ್ವಡಿ ಸಂತಸದಿಂದೆ ತಂದೆ ಮಗಳಂ ಕರೆದಂ

ಬಾರೆನ್ನಾಯುವೆ ಬಾರ ಪುಣ್ಯತತಿಯೇ ಬಾರೆನ್ನ ಸೌಂದರ್ಯವೇಬಾರೆನ್ನಾದಿಯೆ ಬಾರ ಶೈವನಿಧಿಯೇ ಬಾರೆನ್ನಯ ಪ್ರಾಣವೇಬಾರೆನ್ನೊಲ್ಮೆಯೆ ಬಾರ ತತ್ತ್ವಸುಖಮೇ ಬಾರೆನ್ನ ಮಾತಾಮಹೇಬಾರೆನ್ನಾಳ್ದಳೆನುತ್ತುಮೊಲ್ದು ಕರೆದಂ ಶರ್ವಾಣಿಯಂ ಶೈಳಪಂ

ನಿಂದಿರ್ದು ನಗುತೆ ನಲಿಯುತ್ತಂದುಗೆ ಪೊಂಗೆಜ್ಜೆಯುಲಿಪು ನೆಲನುಗ್ಗಡಿಸುತ್ತಂದೆಸೆಯೆ ಮಂದಯಾನದೊಳಿಂದು ಪ್ರಭೆ ಮುಂದೆ ಮುಂದೆ ನಡೆತರುತಿರ್ದಳ್

ಅರಳೆಲೆ ಭಾಳದೊಳಾಡುತ್ತಿರೆ ಮಾಂಗಾಯ್ಗಂಡಯುಗಳಮಂ ಮುಂಡಾಡುತ್ತಿರೆ ಕುರುಳ್ಗಳ್ ಕುಣಿದಾಡುತ್ತಿರೆ ಸತಿಯರ ನಡುವೆ ಗಿರಿಜೆ ನಡೆತರುತಿರ್ದಳ್

ನವಿಲಾಟಂ ಹಂಸೆಯ ನಡೆತವೆ ಮಂದಾನಿಳನ ಸುಗತಿ ಮದಗಜಗಮನಂತವತವಗಡಂಗುತಿರ್ದುವುನವೀನ ಬಾಲಕಿಯ ಮಧುರ ಮೃದುಪದಗತಿಯೊಳ್

ಎಂದೆನಿಸ ವಿಳಾಸಂ ಮಿಗೆಮುಂದಾಡುತೆ ತೊಳಪ ಬೆಳಪ ಬೆಳತಿಗೆಗಣ್ಗಳ್ಮಂದೈಪ ಮೆಲ್ನಗೆಯನುಗೆಬಂದಪ್ಪಿದಳಗಜೆ ಸೊಗಯಿಸುತ್ತಿರೆ ಪಿತನಂ

ಮಾಣಿಕವೆ ಮೌಕ್ತಿಕವೆ ಮತ್ಪ್ರಾಣವೆ ಪೊನ್ನೊಱೆಯೆ ಪರುಷವೇ ಮುಕ್ತಿಯ ನಿರ್ಮಾಣವೆ ಎನುತುಂ ಮೂರ್ಧ್ನಾಘ್ರಾಣಂ ಬೆರಸಗಲಪ್ಪಿದಂ ಗಿರಿರಾಜಂ

ಸುತ್ತಿದ ಪರಮ ಸ್ನೇಹದೆಮತ್ತಂ ಮತ್ತಪ್ಪಿ ಪುಳಕಿಸುತ್ತುಂ ಪುಟವೇಱುತ್ತುಂ ಪೊಣ್ಮುತ್ತುಂ ನಲಿಯುತ್ತೆ ಗಜಾರೂಢನಾಗುತುಂ ಗಿರಿರಾಜಂ

ಪೂರ್ವಾಸನದೊಳ್ ಪದೆಪಿಂಪಾರ್ವತಿಯಂ ಹರ್ಷವೇಱೆ ಬಿಜಯಂಗೆಯ್ಯುತ್ತುರ್ವುತೆ ಕೊರ್ವುತೆ ಪರ್ವುತೆಪರ್ವತರಾಜಂ ಪುರಕ್ಕೆ ತಿರುಗಿದನಾಗಳ್

ಒಸೆದೆತ್ತಲ್ ತನ್ನ ಬೆನ್ನೊಳ್ ಬರುತಿರೆ ಚತುರಂಗಂ ಮಹಾದೇವಿ ಶರ್ವಾಣಿ ಸಮಸ್ತಾಧಿಕ್ಯೆ ಪೂರ್ವಾಸನದೊಳಿರೆ ಬರುತ್ತೊಪ್ಪಿದಂ ಶೈಳಪಂ ಸಂತಸದಿಂ ಭೂಭಾಗಮಂ ನೋಳ್ಪತಿಭರವಶದಿಂ ಪೂರ್ವಗೋತ್ರಾಗ್ರದೊಳ್ ತಾಂಶಶಿಯಂ ಮುಂತಿಟ್ಟು ಬರ್ಪುಜ್ವಳ ವಿಮಳ ವಸಂತಂಬೊಲಾನಂದದಿಂದಂ

ಬರುತಿರೆ ಮುಂದೆ ಪಟ್ಟಣದೆರಳ್ದೆಸೆಯೊಪ್ಪುವ ರಾಜವೀಧಿಯೊಳ್ನೆರೆದ ಶಶಾಂಕವಕ್ತ್ರೆಯರ ಕಣ್ಗಳ ಕಾಂತಿ ಶರೀರ ಕಾಂತಿಯಾಭರಣದ ಕಾಂತಿ ರತ್ನಕುಲಕಾಂತಿ ದರಸ್ಮಿತಕಾಂತಿಯೆಂಬ ವಿಸ್ತರಿತ ಸುಖಾಬ್ಧಿಯಂ ಸುಖದೊಳೀಸುತೆ ಬಂದನಗೇಂದ್ರವಲ್ಲಭಂ

ಪೊಳೆವ ಗಜದಿಂದಮವನೀತಳಕ್ಕೆ ನಿಜತನುಜೆವೆರಸು ಬಿಜಯಂಗೆಯ್ದಗ್ಗಳಿಪ ಶಶಿಸೂರ್ಯ ವಂಶೋಜ್ಜಳರಂ ಕಳಿಪುತ್ತೆ ಬಂದನಗಕುಲರಾಜಂ

ಪರಿಜನಮೊಡನೊಡನೊಲ್ದೊಪ್ಪಿರೆ ಕೆಲ ಬಲ ಪಡಿತಳಾವಧಾರುಯೆನುತ್ತುಂಬರುತಿರೆ ತನೂಜೆ ಸಹಿತಂಗಿರಿರಾಜಂ ಸಿಂಹವಿಷ್ಟರಸ್ಥಿತನಾದಂ

ಹಾರಮರೀಚಿ ತತ್ಕುಚಮರೀಚಿ ಕಪೋಳ ಮರೀಚಿಯಾನನಸ್ಮೇರಮರೀಚಿ ಲೋಚನಮರೀಚಿ ಲಲಾಟಮರೀಚಿ ದಂತವಿಸ್ತಾರಮರೀಚಿಗಳ್ ತೊಳಗುವಾರತಿಗಾರತಿವೆತ್ತು ಸುತ್ತಿ ನಿಂದಾರತಿಯೆತ್ತಿದರ್ ಗಿರಿಜೆಗಂ ಜನಕಂಗಮನಂತಕಾಂತೆಯರ್

ಎಡಬಲವಂಕದೊಳ್ ನೆಲನನುಗ್ಗಡಿಪಾಳಿಯರಿಂ ವಿಳಾಸದಿಂದಡಿಯಿಡುವಲ್ಲಿ ನೇವುರದ ನುಣ್ದನಿಗಾಡುವ ಹಂಸೆವಿಂಡಿನಿಂಬಿಡದೆ ಮುಖಾಬ್ಜಸೌರಭವನುಣ್ಬ ಮದಾಳಿಗಳಿಂ ವಿನೂತನಂಬಡೆದತಿಮಾನಿ ಮೇನೆ ನಡೆತಂದು ನಿರೀಕ್ಷಿಸುತುಂ ಭವಾನಿಯಂ

ಏನೆನ್ನಾಯುವೆ ಎನ್ನಪಾರಸುಖಮೇ ಏನೆನ್ನ ಪುಣ್ಯಾಬ್ಧಿಯೇಏನೆನ್ನುತ್ಸವಮೇ ವಿಳಾಸನಿಧಿಯೇ ಏನೆನ್ನ ಸೌಂದರ್ಯಮೇನಾನಾ ಪರ್ವತದೊಳ್ ವನ ಪ್ರಕರದೊಳ್ ಸಂಪೂರ್ಣ ಕಾಸಾರದೊಳ್ನೀನೇಕಿಂತಿರಲೇಕೆ ತಾಯೆ ಎನುತುಂ ಬಂದಪ್ಪಿಕೊಂಡಪ್ಪಿದಳ್